ပြည်တွင်းထုတ် Covid-19 ကုသဆေး အသုံးပြုရန် ထိုင်း FDA အတည်ပြု

ဘန်ကောက်၊ ဇူလိုင် ၂၇

Covid 19 ကူးစက်မှု ပြန်မြင့်တက် လာသည့် ထိုင်းနိုင်ငံတွင် COVID-19 လူနာကုသရေး အသုံးပြုရန် ထိုင်း အစိုးပိုင်  ဆေးဝါးဖေါ်စပ်ရေးဌာန GPO က ထုတ်လုပ်သည့် Favipiravir ဆေးပြားကို အသုံးပြုနိုင်ပြီဖြစ်ကြောင်း ထိုင်းနိုင်ငံ   အစားအသောက်နှင့် ဆေးဝါးစီမံခန့်ခွဲရေးဌာန FDA က  အတည်ပြုလိုက်သည်။ 

ထိုင်းပြည်တွင်း ထုတ် Favipiravir ဆေးပြားသည် အခြားသော  အာနိသင်တူသည့် နိုင်ငံခြားထုတ်   ဆေးများထက် ဈေးနှုန်းထက်ဝက် သက်သာကြောင်း ထိုင်းဆေးဝါးထုတ်အေဂျင်စီ GPO ၏ ဆေးပညာကျွမ်းကျင်သူ Nantakarn Suwanpitakkun က ပြောသည်။ 

လတ်တလော ထိုင်းနိုင်ငံ၏ Covid ကုသရေးမှာ နေ့စဉ် Favipiravir ဆေးပြား (၃)သိန်းခန့် လိုအပ်နေပြီး တလစာအတွက် ဆေးပြား(၉)သန်း နီးပါးကို သုံးနေရခြင်း ဖြစ်သည်။ ပြီးခဲ့သည့် ဧပြီလအစောပိုင်းတွင် စတင်လာသည့်  ထိုင်းနိုင်ငံ၏ Covid တတိယလှိုင်းအတွင်း ကပ်ရောဂါ ကုသရေးအပိုင်းတွင် ဆေးဝါးလိုအပ် ချက်ရှိနေခြင်းကြောင့်    ထိုင်း အစိုးရက ပြည်ပမှ  Covid -19 ကာကွယ်ဆေး ၅ ဒသမ၅ သန်း ဝယ်ယူခဲ့ရသဖြင့်   လက်ရှိတွင် ပြည်တွင်းထုတ် ကာကွယ်ဆေးပြား များဖြင့်  ကုသရေးအပိုင်းကို ပိုမို လုပ်ဆောင်မည်ဖြစ်ကြောင်း သိရ သည်။ ထိုင်းနိုင်ငံတွင် လက်ရှိအချိန်ထိ Covid ကြောင့်သေဆုံးသူ (၄,ဝ၅၉)ဦး ရှိပြီး လူဦးရေ သန်း(၇၀)နီးပါးရှိသည့် ထိုင်းနိုင်ငံအတွင်း  ပြည်သူများကို ကာကွယ်ဆေး(၁၅)သန်းကျော် ထိုးနှံ ထားပြီးဖြစ်သည်။       မျိုးဝင်း(ref;AP)