တရုတ်နိုင်ငံက အဝေးထိန်းအာရုံခံစနစ်သုံး ဂြိုဟ်တုသစ်များ လွှတ်တင်

ရှီးချန်း    ဇူလိုင်    ၂၀

တရုတ်နိုင်ငံ အနောက်တောင်ပိုင်း စီချွမ်းပြည်နယ် ရှီးချန်းဂြိုဟ်တုလွှတ် တင်ရေးစင်တာမှ အဝေးထိန်းအာရုံခံ စနစ်သုံး ဂြိုဟ်တုအုပ်စုတစ်ခုကို အောင် မြင်စွာလွှတ်တင်ခဲ့ကြောင်း သိရသည်။ 

အဆိုပါဂြိုဟ်တုများကို ဂြိုဟ်ပတ် လမ်းကြောင်းများအတွင်းသို့ Long March-2C သယ်ဆောင်ရေးဒုံးပျံဖြင့် လွှတ်တင်ခဲ့ခြင်းဖြစ်သည်။ Yaogan-30 အမျိုးအစားမှ ၁၀ ကြိမ်မြောက် အုပ်စု တစ်ခုဖြစ်သည့် ယင်းဂြိုဟ်တုများသည် multi-satellite    ဘက်စုံဂြိုဟ်တု ကွန်ရက်စနစ်ကိုအသုံးပြု၍   လျှပ်စစ် သံလိုက်ပတ်ဝန်းကျင်နှင့် ဆက်စပ်သော နည်းပညာများအား စစ်ဆေးခြင်းတို့ကို လေ့လာသွားမည်ဖြစ်ကြောင်း   သိရ သည်။ 

ယာဉ်ပေါ်တွင်  Tianqi  ဂြိုဟ်တု အုပ်စု၏      ဂြိုဟ်တုတစ်ခုဖြစ်သည့် Tianqi-15 သည် အင်တာနက် အကြောင်း အရာအချက်အလက်စုဆောင်းခြင်းများအား လုပ်ဆောင်သွားမည်ဖြစ်ကြောင်း သိရသည်။    တရုတ်နိုင်ငံ Launch Vehicle Technology အကယ်ဒမီက ထုတ်လုပ်သည့်   Long March-2C သယ်ဆောင်ရေးဒုံးပျံသည် အလျား ၄၃ မီတာရှိပြီး အလေးချိန် ၂၄၂ တန် သယ်ဆောင်နိုင်ကြောင်း သိရသည်။

အဆိုပါဒုံးပျံသည်   အမြင့် ၅၀ဝ  ကီလိုမီတာတွင် ဆိုလာအချိန်ကိုက်ပတ် လမ်းသို့ ပစ္စည်းကိရိယာတန်ချိန်   ၂ တန်အား  ပို့လွှတ်နိုင်စွမ်းရှိကြောင်း သိရသည်။

 Long March-2C သယ်ဆောင်ရေး ဒုံးပျံသည် ၂၀၁၇ ခုနှစ် စက်တင်ဘာလ မှစ၍  မြင့်မားသောတိကျမှန်ကန်မှု၊ လွှတ်တင်ခြင်း ၁၀ဝ ရာခိုင်နှုန်းအောင် မြင်မှုနှင့်အတူ Yaogan-30 ဂြိုဟ်တု အုပ်စု ၁၀ ခုကို ဂြိုဟ်ပတ်လမ်းကြောင်း များအတွင်းသို့ အောင်မြင်စွာလွှတ်တင် နိုင်ခဲ့ကြောင်း သိရသည်။ 

မျိုးဝင်း(ref; Xinhua)