ဟေတီသမ္မတကိုလုပ်ကြံသတ်ဖြတ်မှုဖြင့် ကိုလံဘီယာနိုင်ငံသား ၁၇ ဦးကို ထပ်မံဖမ်းဆီး
ပေါ့တ်အောရ်ပရင့်စ် ဇူလိုင် ၁၁
ဟေတီနိုင်ငံရဲတပ်ဖွဲ့အနေဖြင့် ကိုလံဘီယာ နိုင်ငံသား ၁၇ ဦးကို သမ္မတဂျွန်ဗန်နယ်လ် မွိုက်ဆီ လုပ်ကြံသတ်ဖြတ်မှုတွင် ပါဝင်သည့် သံသယရှိသူများအဖြစ် ထပ်မံဖမ်းဆီးခဲ့ကြောင်း ထုတ်ပြန်ခဲ့သည်။
ဟေတီသမ္မတကိုသတ်ဖြတ်မှုတွင် အနည်းဆုံး ၂၈ ဦးပါဝင်ပြီး ထိုထဲတွင် ဟေတီ-အမေရိကန် ၂ ဦးအပြင် ယခု ကိုလံဘီယာနိုင်ငံသား ၁၇ ဦးပါ ထပ်မံပါဝင်ကြောင်း ဟေတီအမျိုးသားရဲဌာန ညွှန်ကြားရေးမှူး လီယွန်ချားလ်စ်က ပြောကြား ခဲ့သည်။ ယင်းအမှုတွင် သံသယရှိသူ အခြား ၈ ဦးမှာ ထွက်ပြေး တိမ်းရှောင်ခဲ့ပြီး လုပ်ကြံ သတ်ဖြတ်သူသုံးဦးမှာ လုံခြုံရေးတပ်ဖွဲ့များ နှင့် အပြန်အလှန် ပစ်ခတ်တိုက်ခိုက်မှုတွင် သေဆုံးခဲ့ကြောင်း အဆိုပါ တာဝန်ရှိသူက ပြောသည်။ ဟေတီသမ္မတမွိုင်ဆီသည် ဇူလိုင်လ အစောပိုင်း က ယင်း၏နေအိမ်တွင် သေနတ်သမားများ စီးနင်းတိုက်ခိုက်မှုအတွင်း သေနတ်သမား တစ်ဦးလက်ချက်ဖြင့် သေဆုံးခဲ့ပြီး ဇနီးဖြစ် သူမှာ ဒဏ်ရာရရှိခဲ့သည်။
ရဲခေါင် (ref; Reuters)
