ဂျီနီဗာ ဇူလိုင် ၉
ကမ္ဘာကြီးတွင် Covid ကပ်ရောဂါ ဖြစ်ပွားမှုမှာ အလွန်အမင်းအန္တရာယ် ဆိုးရွားသည့်အဆင့်ကို ရောက်နေပြီဖြစ် ကြောင်း ကမ္ဘာ့ကျန်းမာရေးအဖွဲ့ WHO အကြီးအကဲ Tedros Adhanom Ghebreyesus က အလေးအနက်သတိ ပေးပြောဆိုလိုက်သည်။ ယင်းသို့ဖြစ်ပွား ရခြင်းမှာ တစ်ကမ္ဘာလုံးတွင် Covid ကာကွယ်ဆေးရရှိမှု မညီမမျှဖြစ်သည့် အတွက် Covid ကပ်ရောဂါမျိုးဗီဇပြောင်း ပိုးသစ်မှာ အဆက်မပြတ်ပြန့်ပွားနေခြင်း ဖြစ်ကြောင်း ယင်းကပြောသည်။ အချို့ နိုင်ငံများသည် ကာကွယ်ဆေးထိုး သည့်နှုန်းများမြင့်မားပြီး ဆေးထိုးနှုန်း ဆက်လက်မြင့်မားရန် စီစဉ်နိုင်ကြသည့် အတွက် လူအချင်းချင်း သတ်မှတ်အကွာ အဝေးထားခြင်းကိုပင် ပယ်ဖျက်ပေးနေ ကြောင်း ဂျီနီဗာရှိ WHO ဌာနချုပ်က ထုတ်ပြန်ထားသည်။
သို့ရာတွင် ကာကွယ်ဆေးရရှိနိုင်မှု မှာ တုန်လှုပ်စရာကောင်းလောက်အောင် ညီမျှမှုမရှိသည့်အတွက် Covid ကပ် ရောဂါ မျိုးဗီဇပြောင်းပိုးသစ်ကူးစက်မှု များမှာ ကမ္ဘာ့ဒေသတိုင်းတွင်ဆိုးရွား စွာဖြစ်ပွားလာကြောင်း သိရသည်။ တစ်ကမ္ဘာလုံးတွင် Covid ကပ်ရောဂါ ကြောင့် လူပေါင်း ၄ သန်းခန့်သေဆုံးခဲ့ ကြောင်း WHO က ပြောသည်။
ရဲခေါင် (Ref; BBC)