တရုတ်နိုင်ငံ၏ ပထမဆုံး ရေနက်ပိုင်း ဓာတ်ငွေ့လုပ်ကွက် ထုတ်လုပ်ရေးစတင်

ဘေကျင်း၊  ဇွန် ၂၈ 

တရုတ်နိုင်ငံ၏ ပထမဆုံး ကိုယ်တိုင် လည်ပတ်သော မီတာ ၁,၅၀ဝ ရေနက် ပိုင်း ဓာတ်ငွေ့လုပ်ကွက် ထုတ်လုပ်မှုစ တင်ပြီဖြစ်ကြောင်း တရုတ်အမျိုးသား ကမ်းလွန်ရေနံကော်ပိုရေးရှင်း (CNOOC) ၏ ပြောကြားချက်အရ သိရသည်။ 

တရုတ်နိုင်ငံ တောင်ပိုင်း ဟိုင်နန် ကျွန်းပြည်နယ် Sanya မြို့မှ ကီလိုမီတာ ၁၅၀ အကွာအဝေးရှိ အဆိုပါဓာတ်ငွေ့ လုပ်ကွက် လည်ပတ်မှုသည် ယခင်က မီတာ ၃၀ဝ အနက်၌ တူးဖော်ခြင်းနှင့်နှိုင်း ယှဉ်ပါက ရေနံနှင့် ဓာတ်ငွေ့အတွက် အလွန်နက်ရှိုင်းသော ရေနက်ပိုင်းတူး ဖော်ရေးတွင် တရုတ်နိုင်ငံ၏စွမ်းဆောင် မှုကို ထင်ရှားစေခြင်းလည်း ဖြစ်ကြောင်း CNOOC က ပြောသည်။ ဓာတ်ငွေ့ လုပ်ကွက်သည် ၂၀၁၄ ခုနှစ် ကတည်းက တွေ့ခဲ့ခြင်းဖြစ်ပြီး တစ်နှစ်လျှင် သဘာဝ ဓာတ်ငွေ့ပမာဏ စုစုပေါင်း ကုဗမီတာ ၃ ဘီလီယံ ပံ့ပိုးပေးနိုင်မည်ဟု ခန့်မှန်း ထားကြောင်း သိရသည်။ 

ဓာတ်ငွေ့လုပ်ကွက်၏ ရှာဖွေရေး၊ ထုတ်လုပ်ရေး၊ တည်ဆောက်ရေးနှင့် လုပ်ငန်းလည်ပတ်ရေးသည် သင်္ဘော တည်ဆောက်ခြင်း၊ သံမဏိ၊ လျှပ်စစ်စက် ပစ္စည်းဆိုင်ရာနှင့် အခြားစက်မှုလုပ်ငန်း များ ဖွံ့ဖြိုးတိုးတက်ရေးအတွက်တွန်း အားပေးလျက်ရှိကြောင်း သိရသည်။ 

ရဲခေါင် (ref;AP)