(Quarantine Centers) နှင့် ဆေးရုံများမှ စွန့်ပစ်အမှိုက်များအား တာဝန်ယူသိမ်းဆည်းရှင်းလင်း မြို့တော်စည်ပင်သန့်ရှင်းရေးဝန်ထမ်း ၁၃၀ ဦးအတွက် ပါဝါရိန်းဂျားအဖွဲ့နှင့် Mrs.Universe မဟန်နီတို့မှ လှူဒါန်း

ရန်ကုန်မြို့တော်စည်ပင်သာယာရေးကော်မတီ ပတ်ဝန်းကျင်စီမံခန့်ခွဲရေးလုပ်ငန်းတာဝန်ခံအဖွဲ့၊ မြို့ပြ ပတ်ဝန်းကျင်ထိန်းသိမ်းရေးနှင့် သန့်ရှင်းရေးမှ COVID-19 ရောဂါနှင့် သံသယရှိလူနာများ စောင့်ကြည့်ကုသရေး စခန်း (Quarantine Centers) နှင့် ဆေးရုံများမှ စွန့်ပစ်အမှိုက်များအား တာဝန်ယူသိမ်းဆည်းရှင်းလင်းပေးနေ ရသော မြို့တော်စည်ပင်သန့်ရှင်းရေးဝန်ထမ်း ၁၃၀ ဦးအတွက် အာဟာရပြည့်ဝစေရန် စားသောက်စရာများ ကို ရန်ကုန်မြို့တော်စည်ပင်သာယာရေးကော်မတီဥက္ကဋ္ဌ မြို့တော်ဝန်၏ဇနီး ဒေါ်ခင်မြမြအောင်ကိုယ်စား၊ ပါဝါရိန်းဂျားအဖွဲ့နှင့် Mrs.Universe မဟန်နီတို့မှ လာရောက်လှူဒါန်းရာ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ လက်ထောက်ဌာနမှူး ဦးဇော်ဝင်းနိုင် က လက်ခံရယူခဲ့ကြောင်း သိရသည်။ သတင်း-အောင်စိုးအေး၊ ဓာတ်ပုံ-ရွှေဝင်း