ခွဲစိတ်မှုအပြီး ဗိုက်အတွင်း အပ်တစ်ချောင်းကျန်နေ ဆေးရုံကို ၁၄ နှစ်ကြာမှ တရားစွဲဆို

ရာဗန်နာ၊  ဇွန် ၁၉ 

အီတလီနိုင်ငံမှ အမျိုးသမီးတစ် ဦးသည် ယင်း၏ဝမ်းဗိုက်အတွင်း ခွဲစိတ် ခန်းသုံး အပ်တစ်ချောင်း ၁၄ နှစ်ကြာ ကျန်ရှိနေသည့်အတွက် Bologna ဆေး ရုံကို တရားစွဲဆိုလိုက်ကြောင်း Resto del Carlino သတင်းစာက ဇွန် ၁၆ ရက်က သတင်းဖော်ပြခဲ့သည်။ 

၎င်းအမျိုးသမီးသည် ၂၀ဝ၄ ခုနှစ် က ခွဲစိတ်မှုလုပ်ဆောင်ခဲ့ပြီးနောက်ပိုင်း ဝမ်းဗိုက်နာကျင်မှုကို ပြင်းပြင်းထန်ထန် ခံစားခဲ့ရကာ ၂၀၁၈ ခုနှစ်က Pesaro မြို့ ၌ ယင်းအပ်အားဖယ်ရှားခဲ့ပြီးနောက် နာ ကျင်မှုဝေဒနာကို အဖြေရှာနိုင်ခဲ့ကြောင်း central-northern Italian newspaper ၌ ဖော်ပြထားသည်။ 

အဆိုပါ အမျိုးသမီးသည် ၁၄ နှစ် ကြာ ပဟေဠိဆန်သော နာကျင်မှုကို မ ကြာခဏ ခံစားခဲ့ရခြင်းကြောင့် စိတ်ပိုင်း ဆိုင်ရာ ထိခိုက်ခံစားရမှုများနှင့် ပေါ့ဆမှု အတွက် ဆေးရုံကို တရားစွဲဆိုထားခြင်း ဖြစ်ကြောင်း သိရသည်။ 

မျိုးဝင်း (ref;Xinhua)