လေပြင်းတိုက်ခတ်မှုကြောင့် မြို့နယ်ကျေးရွာအချို့ စာသင်ကျောင်းနှင့် နေအိမ်များအမိုးလန်ပျက်စီး
နေပြည်တော် မေ ၁၉
မေလ ၁၈ ရက်၊ ညနေ ၄ နာရီ ၄၀ မိနစ်အချိန် နေပြည်တော်ကောင်စီနယ်မြေ၊ ပုဗ္ဗသီရိမြို့နယ်အတွင်း လေပြင်းတိုက်ခတ်မှုကြောင့် ညောင်ကုန်းကျေးရွာပါ ၅ ရွာတို့၌ နေအိမ် ၁၂ လုံး၊ စာသင်ကျောင်း ၁ ကျောင်း အမိုးလန်ပျက်စီးဆုံးရှုံးခဲ့ကြောင်း သိရသည်။
အလားတူ မေ ၁၈ ရက်၊ နေ့လယ် ၂ နာရီ ၂၀ မိနစ်အချိန်တွင် ပဲခူးတိုင်းဒေသကြီး၊ ကြိုပင်ကောက်မြို့နယ် အတွင်း လေပြင်းတိုက်ခတ်မှုကြောင့် ရွာသစ်ကျေးရွာပါ ၁၇ ရွာတို့၌ နေအိမ် ၅ လုံး ပြိုလဲ၊ နေအိမ် ၃၃ လုံး အမိုးလန်၊ စာသင်ကျောင်း ၁ ကျောင်းမျက်နှာကျက် ပြိုကျပျက်စီးဆုံးရှုံးခဲ့ကြောင်း သိရသည်။
အလားတူ မေ ၁၈ ရက်၊ နေ့လယ် ၂ နာရီ ၄၀ မိနစ်အချိန်တွင် မကွေးတိုင်းဒေသကြီး၊ အောင်လံမြို့နယ်အတွင်း လေပြင်း တိုက်ခတ်မှုကြောင့် မိုးဖုန်းကျေးရွာပါ ၉ ရွာတို့၌ နေအိမ် ၁၅ လုံး၊ ဘုန်းကြီးကျောင်း ၂ ကျောင်း အမိုးလန်၊ စာသင်ကျောင်းဆိုင်းဘုတ် ၁ ခု လဲကျပျက်စီးဆုံးရှုံးခဲ့ကြောင်း သိရသည်။
အလားတူ မေ ၁၇ ရက်၊ ည ၇ နာရီအချိန် ရန်ကုန်တိုင်းဒေသကြီး၊ ခရမ်းမြို့နယ်အတွင်း မိုးရွာသွန်းပြီး လေပြင်းတိုက်ခတ်မှုကြောင့် ပေါက်ပန်းဖြူစုကျေးရွာ၌ နေအိမ် ၂၀ လုံး အမိုးလန်၊ ဓာတ်တိုင် ၃ တိုင်လဲကျ ပျက်စီးဆုံးရှုံးခဲ့ကြောင်း သိရသည်။
ဆွေဦး
