ဒိန်းမတ်နိုင်ငံရောက် ကန်နိုင်ငံခြားရေးဝန်ကြီး ဥတုရာသီအရေး အဓိက ဆွေးနွေးမည်

ကိုပင်ဟေဂင်၊ မေ ၁၉

အမေရိကန်နိုင်ငံခြားရေးဝန်ကြီး အန်တိုနီဘလင်ကင်အနေ ဖြင့် ဥတုရာသီအရေး၊ အာတိတ်စက်ဝိုင်းဒေသဆိုင်ရာ မူဝါဒနှင့် ရုရှားအရေးကိစ္စများ ဆွေးနွေးရန် ဒိန်းမတ်နိုင်ငံသို့ရောက်ရှိနေပြီး ဥတုရာသီအရေးကို အဓိက ဆွေးနွေးမည်ဖြစ်ကြောင်းသိရသည်။ ခရီးစဉ်တွင် ကိုယ်ပိုင်အုပ်ချုပ်ခွင့် တစ်စိတ်တစ်ပိုင်းရထားသည့် ဒိန်းမတ်နိုင်ငံ မြောက်ဘက်စွန်းရှိ Greenlandနှင့် Faeroe ကျွန်း ၏ နိုင်ငံခြားရေးဝန်ကြီး Mette Frederiksen နှင့်လည်း ဝန်ကြီး ဘလင်ကင်တို့တွေ့ဆုံကာ ဥတုရာသီပြောင်းလဲဖောက်ပြန်မှု တားဆီး ရေးကိစ္စများကို အဓိကဆွေးနွေးခဲ့ကြောင်း သိရသည်။

သမ္မတဟောင်း ဒေါ်နယ်ထရန့်လက်ထက်တွင် ဥတုရာသီ ပြောင်းလဲမှုကြောင့် ပေါ်ပေါက်လာသည့် ခြိမ်းခြောက်မှုများကို ၄ နှစ်ကြာ လျော့ပေါ့ပြောဆိုခဲ့သည့်အတွက် သမ္မတဘိုင်ဒင်အစိုးရ က ယင်းကိစ္စရပ်များတွင် အမေရိကန်၏ ရပ်တည်ချက်များအပေါ် မဟာမိတ်နိုင်ငံများက ပြန်ပြီးယုံကြည်လက်ခံလာစေရန် ကြိုးပမ်း လုပ်ဆောင်နေခြင်းဖြစ်ကြောင်း သိရသည်။

လက်ရှိတွင် အာတိတ် ကောင်စီအစည်းအဝေးကို  ဝန်ကြီးဘလင်ကင်  ဆက်လက် တက်ရောက်ရန် ရှိနေပြီး အမေရိ ကန်နှင့် ရုရှားနိုင်ငံကြား ဆက်ဆံ ရေးများ သိသိသာသာတင်းမာနေချိန်တွင် ဝန်ကြီးဘလင်ကင်နှင့် ရုရှားနိုင်ငံခြားရေးဝန်ကြီးတို့အနေဖြင့် အဆိုပါအစည်းအဝေးတွင် ပထမဆုံး မျက်နှာချင်းဆိုင်တွေ့ဆုံကြမည်ဖြစ်သည်။
ရဲခေါင် (ref;CNN)