တရုတ် Sinovac ကုမ္ပဏီထုတ် COVID-19 ကာကွယ်ဆေးကို ပြန်လည်သုံးသပ်မှုများ စတင်ဆောင်ရွက်နေ

ဘရပ်ဆဲလ် မေ ၈

တရုတ်နိုင်ငံ Sinovac ကုမ္ပဏီမှ ထုတ်လုပ်သော COVID-19  ကာကွယ်ဆေးကို  ဥရောပဆေးဝါးအေဂျင်စီ (EMA)အနေဖြင့် ပြန်လည် သုံးသပ်နေပြီဖြစ်ပြီး ဥရောပတွင်အသုံးပြုရန် ခွင့်ပြုချက်ရရှိရေး မျှော်မှန်းထားကြောင်း သိရသည်။
 အဆိုပါ ကာကွယ်ဆေး အသုံးပြုနိုင်ရန် လျှောက်ထားမှုကို အီတလီ နိုင်ငံအခြေစိုက် Life'On S.r.l က တင်သွင်းခဲ့ခြင်းဖြစ်ကြောင်း EMA  က ယင်းတို့၏ မေလပထမပတ် ကြေညာချက်စာတွင်ထည့်သွင်းထုတ် ပြန်ထားသည်။

တရုတ်နိုင်ငံထုတ် အဆိုပါကာကွယ်ဆေးသည် တစ်ကြိမ်ထိုးနှံပြီး ပါက ကာကွယ်ဆေးထိုးနှံထားသူ၏ ကိုယ်ခန္ဓာတွင် ဗိုင်းရပ်စ် တိုက်ဖျက်ရေးကို စတင်လုပ်ဆောင်မည်ဖြစ်ပြီး နောက်ပိုင်းတွင် မိမိ ကို ထိတွေ့လာနိုင်မည့် ဗိုင်းရပ်စ်ကို တိုက်ဖျက်ရန် ခန္ဓာကိုယ်ကအသင့် ဖြစ်လာစေမည်ဖြစ်ကြောင်း EMA ၏  ထုတ်ပြန်ချက်တွင် ဖော်ပြထား သည်။

လက်ရှိတွင် Sinovac ကုမ္ပဏီထုတ်ဆေးကို ဆေးစွမ်းထက်မှု၊ ဘေးကင်းစိတ်ချမှုနှင့် အရည်အသွေးအတွက် ဥရောပသမဂ္ဂ (EU) စံချိန်စံညွှန်းများနှင့် ချင့်ချိန်အကဲဖြတ်သွားမည်ဖြစ်ကြောင်း သိရ သည်။
Covid ကာကွယ်ဆေးနှင့် ပတ်သက်၍ ဈေးကွက်တွင် BioNTech/Pfizer ၊ Moderna ၊ AstraZeneca နှင့် Johnson & Johnson တို့မှာ တရားဝင်ရောင်းချရန်ခွင့်ပြုချက်ရရှိထားသည်။
ရဲခေါင် (ref; Xeinhua)