ကုန်တင်မော်တော်ယာဉ်များအနေနှင့် ၂၀၁၆ ခုနှစ် မေလ ၁၆ ရက်မှစတင်ကာ မိုးတွင်းကာလ ခွင့်ပြုတန်ချိန် သတ်မှတ်ချက်များအရ ကုန်ပစ္စည်းများကို သယ်ယူပို့ဆောင်ကြရမည်

ရန်ကုန် မေ ၁၇

မကြာမီမိုးရာသီသို့ရောက်ရှိလာတော့မည်ဖြစ်သဖြင့် ဆောက်လုပ်ရေးဝန်ကြီးဌာနအနေနှင့် ကုန်တင် မော်တော်ယာဉ်များ၏ ကုန်ပစ္စည်းများ သယ်ယူတင်ဆောင်နိုင်မှုအခြေများကို နွေရာသီကာလသတ်မှတ် ခွင့်ပြုတန်ချိန်မှ မိုးရာသီသတ်မှတ်ခွင့်ပြုတန်ချိန်သို့ ပြောင်းလဲသတ်မှတ် ထုတ်ပြန်ပေးခဲ့ခြင်းဖြစ်သည်။

ထို့ကြောင့်ကုန်တင်ယာဉ်များ၊ တွဲယာဉ်များအနေနှင့်၂၀၂၀ ပြည့်နှစ် မေလ ၁၆ ရက်မှစတင်ကာ အဆိုပါ သတ်မှတ်ချက်များအတိုင်း ကုန်ပစ္စည်းများကို သယ်ယူပို့ဆောင်ကြရမည်ဖြစ်သည်။

 ဆောက်လုပ်ရေး ဝန်ကြီးဌာနအနေနှင့် ဝင်ရိုး ၅ ခုပါ (lift Axcle)ပါ ၁၄ ဘီး ကုန်တင်မော်တော်ယာဉ်ကြီးများကို နွေကာလက တန်ချိန် ၃၁ တန်ခွင့်ပြုခဲ့ရာမှ ယခုမိုးရာသီကာလတွင်တန်ချိန် ၃၀ တန်သို့၊ ဝင်ရိုး ၄ ခုပါ ၁၄ ဘီး ကုန်တင်မော်တော်ယာဉ်ကြီးများအား နွေကာလကတန်ချိန် ၃၄ တန်မှ ယခုမိုးရာသီတွင် ၃၃ တန်သို့၊ ဝင်ရိုး ၅ ခုပါ ၁၈ ဘီး ကုန်တင်မော်တော်ယာဉ်ကြီးများကို နွေကာလ ၄၆ တန်မှ မိုးတွင်းကာလ ၄၁ တန်သို့၊ ဝင်ရိုး ၆ ခုပါ  ၂၂ ဘီး ကုန်တင်ယာဉ်ကြီးနွေကာလ ၅၀ ဒသမ ၅ တန်မှ မိုးတွင်းကာလ ၄၈ တန်သို့၊ ဝင်ရိုး ၆ တန်း၊ တန် ၂၆ ဘီး(နောက်တွဲပါ) Low bod ယာဉ်များကို နွေကာလ  ၅၅ တန်မှ မိုးတွင်းကာလ  ၅၃ တန်သို့ ပြောင်းလဲ သတ်မှတ်ထုတ်ပြန်ပေးခဲ့ခြင်းဖြစ်ကြောင်း သိရသည်။

အဆိုပါ ကုန်တင်မော်တော်ယာဉ်ကြီးများ၏ မိုးရာသီအတွက် သယ်ယူတင်ဆောင်ရန် ကုန်ပစ္စည်း တန်ချိန် ပြောင်းလဲသတ်မှတ်ခြင်းအား ဖြေလျှော့ပေးရန် မြန်မာနိုင်ငံကုန်သေတ္တာတင်မော်တော်ယာဉ် များအသင်းမှ တင်ပြလာခဲ့သည်။ 

အဆိုပါတင်ပြချက်အရ တိုင်းဒေသကြီးနှင့်ပြည်နယ်များအတွင်းရှိ B.O.T/ လမ်းဦးစီးဌာနမှ ကောက်ခံသောလမ်း/တံတားဂိတ်များတွင် ယာယီအစီအစဉ်အရမိုးတွင်းကာလတွင် ၁၈ ဘီး နောက်တွဲ ယာဉ်များကို (ယာဉ်-ကုန်) တန်ချိန် ၄၀ တန် သတ်မှတ်ရာမှ ၂ ဒသမ ၅ တန်ထပ်မံတိုး၍ ၄၃ ဒသမ ၅ တန်ဖြင့် ဆက်လက်ခွင့်ပြုဆောင်ရွက်ပေးသွားမည်ဖြစ်သည်။ Axcle Load နှင့်ပတ်သက်၍ တံတားများအတွက် သတ်မှတ်ချက်သည် တံတားဦးစီးဌာန၏ ခွင့်ပြုချက်အတိုင်းသာဖြစ်ကြောင်း သိရသည်။

ရွှေဒုံသစ္စာ