အမျိုးသားပြတိုက်( နေပြည်တော် )၏ ပြခန်းများအား National Museum Nay Pyi Taw Facebook Page တွင် ဝင်ရောက်ကြည့်ရှုနိုင်

ရန်ကုန် မေ ၁၇

သာသနာရေးနှင့်ယဉ်ကျေးမှုဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက် ဦးစီးဌာနအနေဖြင့်ယဉ်ကျေးမှုအမွေအနှစ်များနှင့်စပ်လျဉ်း၍ အသိပညာဗဟုသုတဆိုင်ရာ ဗဟိုဌာနများအဖြစ် အမျိုးသား ပြတိုက် (နေပြည်တော်၊ ရန်ကုန်)နှင့် တိုင်းဒေသကြီး နှင့်ပြည်နယ်အသီးသီးတွင် ရှေးဟောင်းသုတေသန ပြတိုက်များ၊ ယဉ်ကျေးမှုပြတိုက်များ၊ အထိမ်းအမှတ်ပြတိုက်များနှင့်ဗုဒ္ဓပြတိုက်များ စသည်တို့ကို ဖွင့်လှစ် ကာ အများပြည်သူများ ဝင်ရောက်လေ့လာနိုင်ရန် ခင်းကျင်းပြသပေးလျက်ရှိသည်။

၂၀၂၀ ပြည့်နှစ် မေလ ၁၈ ရက်တွင် ကျရောက်မည့် အပြည်အပြည်ဆိုင်ရာပြတိုက်များနေ့ International Museum Day-2020 အထိမ်းအမှတ်Digital Museum Activity အဖြစ်လည်းကောင်း၊ ယခု လတ်တလော ဖြစ်ပွားနေသည့် COVID-19 Pandemic ကာလအသွားအလာကန့်သတ်ထားသည့် အချိန်တွင် ပြည်သူ့ဝန်ဆောင်မှုလုပ်ငန်းအဖြစ် ပြတိုက်နှင့်အများပြည်သူများအကြား အဆက်အသွယ်မပြတ်စေရန် လည်းကောင်း ရည်ရွယ်၍ OnlineExhibition ကိုစီစဉ်ဆောင်ရွက်ခဲ့ကြောင်း သိရသည်။

အဆိုပါစီစဉ်ဆောင်ရွက်မှုများအရ ၂၀၂၀ ပြည့်နှစ် မေလ ၁ ရက်မှစတင်၍ National Museum Nay Pyi Taw FacebookPage တွင် စတင်ပြသခဲ့သည်။ အဆိုပါ Page တွင် အမျိုးသားပြတိုက် (နေပြည်တော်) ၌ ခင်းကျင်းပြသထားသည့် ပြခန်းတစ်ခုချင်းစီအား ပြတိုက်မှူး များ၏ ရှင်းလင်းချက်များနှင့်တကွ လွှင့်တင်ထားပြီးသဖြင့် ဝင်ရောက်ကြည့်ရှုလေ့လာနိုင်ကြောင်း သိရသည်။

ကိုသစ္စာလှိုင်