ဇီဝကမ္မဆိုးကျိုးဖြစ်စဉ်များကို ငါးကြီးဆီစားသုံးခြင်းဖြင့် ရပ်တန့်စေနိုင်

ဧပြီ       ၂၄

အဆီများသော အစားအသောက်များကို စားသုံးခြင်းကြောင့် ကျန်းမာရေးဆိုးကျိုးများစွာ ထိခိုက်ပျက်စီးမှု ဖြစ်ပွားကြသည်။ ထိုကဲ့သို့ ဆိုးရွားသည့်နောက်ဆက်တွဲပြဿနာများ၊ ရောဂါများ (ဥပမာဆီးချိုရောဂါ) များဖြစ်ပွားခြင်းကို ကာကွယ်နိုင်သည့်စွမ်းရည်မှာ ငါးကြီးဆီဖြည့်စွက်စားသုံးခြင်းပင်ဖြစ်ကြောင်း ဘရာဇီးနိုင်ငံ ဆာပေါ်လိုတက္ကသိုလ်မှ သုတေသနအဖွဲ့က လေ့လာမှုတစ်ခုမှ သိခဲ့ရသည်။

အဆိုပါ တွေ့ရှိချက်ကို The Journal of Physiology မှထည့်သွင်းဖော်ပြထားသည်။ ငါးကြီးဆီစားသုံးခြင်း ၏ အကျိုးကျေးဇူးများမှာ ကိုယ်အလေးချိန်လျော့ကျစေခြင်း၊ မျိုးအောင်နိုင်စွမ်းမြှင့်တင်စေခြင်း၊ အသားအရေကောင်းမွန်စေနိုင်ခြင်းနှင့်အားအင်ပြည့်ဖြိုးလာစေခြင်းတို့ဖြစ်ကြောင်း သိရသည်။
သုတေသနတွင် ဇီဝကမ္မဆိုးကျိုးဖြစ်စဉ်များကို ငါးကြီးဆီစားသုံးခြင်းဖြင့် ရပ်တန့်သွားစေနိုင်ကြောင်း တွေ့ရှိခဲ့ခြင်းဖြစ်သည်။                           

  (WP)