မြစ်ငယ်မြို့နယ်အနီးရှိ သတိလစ်သူများနှင့် ထိခိုက်ဒဏ်ရာ ရရှိသူများကို ရှေးဦးပြုစုစောင့်ရှောက်ပေးခဲ့
မန္တလေး ဧပြီ ၁၄
မန္တလေးတိုင်းဒေသကြီး၊ အမရပူရမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင် ၇ ဦးတို့သည် မြစ်ငယ်မြို့အနီးတွင် ဧပြီ ၁၃ ရက် ညနေပိုင်းကဖြစ်ပွားခဲ့သည့် ဖြစ်စဉ်များကြောင့် သတိလစ်သူများနှင့် ထိခိုက်ဒဏ်ရာ ရရှိသူများကို ရှေးဦးပြုစုစောင့်ရှောက်ပေးခဲ့ကြကြောင်း သိရသည်။
အမရပူရမြို့နယ်ကြက်ခြေနီအသင်းခွဲမှ ကြက်ခြေနီစေတနာလုပ်အားရှင်များအနေဖြင့် အဆိုပါမြို့နယ်အတွင်း နေထိုင်လျက်ရှိကြသော ပြည်သူများ၏ကျန်းမာရေးဆိုင်ရာစောင့်ရှောက်မှုများကို တတ်စွမ်းသည့်ဘက်မှ ကူညီ ဆောင်ရွက်ပေးလျက်ရှိသည့် အဖွဲ့တစ်ဖွဲ့ဖြစ်သည်။
(KKT)
