ပွင့်ဖြူ ဖေဖော်ဝါရီ ၂၅
မကွေးတိုင်းဒေသကြီး၊ ပွင့်ဖြူမြို့နယ် မီးသတ်ဦးစီးဌာနက ဖေဖော်ဝါရီ ၂၄ ရက်၊ နံနက်ပိုင်းက ပွင့်ဖြူမြို့ သက်တော်ရှည်ရပ်ကွက်နှင့် တောင်အင်းကျေးရွာသို့ဆက်သွယ်ဖောက်လုပ်ထားသည့်လမ်းမပေါ်တွင် သစ်ကိုင်းကျိုးကျ၍ လမ်းပိတ်ဆို့မှုဖြစ်နေ၍ ဒေသခံပြည်သူများ စိတ်အေးချမ်းစွာသွားလာနိုင်ရေး သွားရောက် ဖယ်ရှားရှင်းလင်းဆောင်ရွက်ပေးခဲ့ကြောင်း သိရသည်။
ထိုသို့ ပြည်သူ့အကျိုးပြုကူညီဆောင်ရွက်ပေးရာတွင် ပွင့်ဖြူမြို့နယ်မီးသတ်ဦးစီးဌာနမှ တပ်ကြပ်ကြီး ကိုကိုမောင်ဦးဆောင်သောမီးသတ်တပ်ဖွဲ့ဝင်များက ရပ်ကွက်နေပြည်သူများနှင့် ပူးပေါင်း၍လမ်းမပေါ် ကန္တာရပင်ကြီးမှ သစ်ကိုင်းကျိုးကျပိတ်ဆို့နေမှုအား စနစ်တကျခုတ်ထွင် ရှင်းလင်း ဆောင်ရွက်ပေးခဲ့သဖြင့် ပြည်သူများအဆင်ပြေစွာ သွားလာနိုင်မည်ဖြစ်ကြောင်းနှင့် အဆိုပါ သစ်ကိုင်း ကျိုးကျမှုကြောင့် အခြားလူနှင့် တိရစ္ဆာန်ထိခိုက်မှုမရှိကြောင်း သိရသည်။
ရဲဝင်းနိုင်(ညောင်ဦး)