ကောလင်းမြို့နယ်၌ တရားမဝင်သံလမ်းကူးဖြတ်ကူးသည့် မော်တော်ယာဉ်နှင့် ကျောက်မီးရထားတို့ ယာဉ်တိုက်မိ
ကောလင်း မေ ၁၃
မေ ၁၂ ရက်၊ ညနေ ၅ နာရီ ၁၅ မိနစ်အချိန် ကောလင်းမြို့နယ်၊ မြစ်ကြီးနား-မန္တလေး ရထားလမ်းမိုင်တိုင်(၅၂၆/၁၂)၌ နေလင်းထွန်း(၂၄)နှစ်မောင်းနှင်သည့် 6K/------ Lifan ၆ ဘီး မော်တော်ယာဉ် သည် တရားမဝင်ရထား သံလမ်းကူးအား ဖြတ်ကူးစဉ် ဦးသူရထွန်းမောင်းနှင်သည့် ရထားအမှတ် (BT-321)ကျောက်ရထားမှ ဝင်ရောက်တိုက်မိခဲ့သဖြင့် မော်တော်ယာဉ်မှာ ရထားလမ်း၏ ဝဲဘက်သို့ ထိုးကျတိမ်းမှောက် သွားခဲ့ပြီး ရထားစက်ခေါင်းနှင့် နောက်တွဲ ၂ တွဲတို့မှာ ဘီးချော်ကာ ရထားလမ်းယာဘက်ရှိ ကုက္ကိုလ်ပင်အား ထပ်မံတိုက်မိတိမ်းမှောက်ခဲ့ပါသည်။
အဆိုပါဖြစ်စဉ်ကြောင့် ည ၈ နာရီအချိန်တွင် နေလင်းထွန်း(ဖမ်းမိ)အား မီးရထားလုပ်ငန်း ဥပဒေပုဒ်မ ၈၅ ဖြင့် အမှုဖွင့်စစ်ဆေးလျက်ရှိပြီး လူထိခိုက်ဒဏ်ရာရရှိခြင်း မရှိပါကြောင်းနှင့် မီးရထားလမ်းအား ခေတ္တ ပိတ်ဆို့ထားရှိပြီး ကယ်ဆယ်ရေးလုပ်ငန်းများ ဆက်လက်ပြုလုပ်လျက်ရှိပါကြောင်း သိရသည်။
ဆွေဦး
