နမ့်ခမ်းမြို့နယ်တွင် စိတ်ကြွရူးသွပ်ဆေးပြားများ ဖမ်းဆီးရမိ
နမ့်ခမ်း ၊ ဇန်နဝါရီ ၃၀
ဇန်နဝါရီ ၂၈ ရက်၊ နံနက် ၁၁ နာရီခွဲအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင် များသည် ရှမ်းပြည်နယ်၊ နမ့်ခမ်းမြို့နယ်၊ နမ့်ခမ်း-မန်ဝိန်းကြီးသွားကားလမ်း၊ ကွန်လုံကျေးရွာအုပ်စု၊ ကွန်လုံကျေးရွာ၊ ရွှေလီတံတားအနီးတွင် ဂွန်းဆန့်မောင်းနှင်ပြီး တူးအောင်(ခ)မရမ်တူးအောင် လိုက်ပါလာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ခွကြားရှိ ကျောပိုးအိတ်အတွင်းမှ စိတ်ကြွရူးသွပ် ဆေးပြား ၄၂,၀၀၀ ပြား သိမ်းဆည်းရမိခဲ့ပါသည်။
အဆိုပါ သိမ်းဆည်းရမိ စိတ်ကြွရူးသွပ်ဆေးပြားများနှင့်အတူ ဂွန်းဆန့်(၂၀)နှစ်၊ တူးအောင်(ခ)မရမ်တူးအောင်(၂၀)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။
ဆွေဦး
