အမေရိကန်သမ္မတရွေးကောက်ပွဲရလဒ်ကို မကျေနပ်သူများက ပြည်တွင်းအကြမ်းဖက်မှုလုပ်နိုင်ဟု သတိပေးထား

ဝါရှင်တန် ဇန်နဝါရီ  ၂၈

နိုဝင်ဘာလ အမေရိကန်သမ္မတရွေးကောက်ပွဲရလဒ်ကို မကျေမနပ်ဖြစ်နေသူများက ပြည်တွင်းအကြမ်း ဖက်မှုလုပ်နိုင်ခြေများသည်ဟု အမေရိကန်နိုင်ငံလုံခြုံရေးအကြီးအကဲများက သတိပေးထားသည်။ သမ္မတ(ဟောင်း) ဒေါ်နယ်ထရမ့်ကို ထောက်ခံအားပေးသူများက ဇန်နဝါရီလ ၆ ရက်တွင် လွှတ်တော် အဆောက်အအုံကို စီးနင်းတိုက်ခိုက်ခဲ့သည့်ဖြစ်ရပ်မှာ အစွန်းရောက်သမားအချို့ကို အားပေးအားမြှောက် လုပ်ရာရောက်နိုင်သည်ဟု အမေရိကန်နိုင်ငံပြည်တွင်းလုံခြုံရေးဌာနက ပြောသည်။

အစိုးရအာဏာရယူမှုနှင့်ပတ်သက်၍ မကျေနပ်သူများ၏ ခြိမ်းခြောက်မှုရှိနိုင်သည်ဆိုသော်လည်း လက်ရှိ အချိန်အထိ ပြည်တွင်းအကြမ်းဖက်မှုလုပ်ရန် အကွက်ချစီစဉ်နေသည်ဆိုသည့် သတင်းအချက်အလက်မရရှိ သေးကြောင်း ထုတ်ပြန်ချက်တွင် ဖော်ပြထားသည်။

သမ္မတရွေးကောက်ပွဲတွင် ဂျိုးဘိုင်ဒင်အနိုင်ရခြင်းကိုအတည်ပြုရန် လွှတ်တော် ၂ ရပ် တွေ့ဆုံဆွေးနွေး မည့် အချိန်တွင် ဒေါ်နယ်ထရမ့်ကို ထောက်ခံအားပေးသူများက လွှတ်တော်အဆောက်အအုံကို တိုက်ခိုက်ခဲ့ခြင်း ဖြစ်သည်။ လက်ရှိအချိန်တွင် ဒေါ်နယ်ထရမ့်ကို ဆူပူအုံကြွရန် လှုံ့ဆော်မှုဖြင့် အောက်လွှတ်တော်က ပြစ်တင် စွပ်စွဲထားပြီး လာမည့်လတွင် အထက်လွှတ်တော်၌ ယင်းကို စုံစမ်းစစ်ဆေးမည်ဖြစ်သည်။                 

(KNT)