တာချီလိတ်မြို့တွင် မူးယစ်ဆေးဝါးများ ဖမ်းဆီးရမိ
တာချီလိတ်၊ ဇန်နဝါရီ ၂၆
ဇန်နဝါရီလ ၂၅ ရက်နေ့ ၂၀၄၅ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင် များသည် တာချီလိတ်မြို့၊ ရန်အောင်မြေရပ်ကွက်နေ ဇော်ဝင်းစိုး(ခ)ကိုဇော်၏နေအိမ်သို့ ဝင်ရောက် ရှာဖွေရာ ၎င်းထံမှ ဘိန်းဖြူ သုည ဒသမ ၀၁၂ ကီလို၊ စိတ်ကြွရူးသွပ်ဆေးပြား ၁,၂၀၀ ပြားနှင့် အိုက်စ် သုည ဒသမ ၀၂၆ ကီလိုတို့ကို သိမ်းဆည်းရမိခဲ့သဖြင့် ဇော်ဝင်းစိုး(ခ)ကိုဇော်(၅၁)နှစ်အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။
ဆွေဦး
