ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း လက်နက်ကိုင်ဆောင်သူများဖမ်းဆီးအရေးယူ
ရန်ကုန် ဇန်နဝါရီ ၂၅
ရန်ကုန်တိုင်းဒေသကြီးရဲတပ်ဖွဲ့နယ်မြေအတွင်း တရားဥပဒေစိုးမိုးရေးနှင့် ပြည်သူလူထု၏ အသက် အိုးအိမ်စည်းစိမ်ကို ထိခိုက်စေမည့်မှုခင်းများမဖြစ်ပွားစေရေးအတွက် သက်ဆိုင်ရာနယ်မြေအလိုက် ဖမ်းဆီး ခြင်းဆောင်ရွက်ခဲ့ရာ ဇန်နဝါရီ ၂၄ ရက်၊ ညနေ ၄ နာရီအချိန်တွင် ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင်များသည် (၂၄)ရပ်ကွက်၊ မြရိပ်ညိုလမ်းမပေါ်၌ ကိုကိုဝင်းထံမှ အရိုးအသွား (၇)လက်မခွဲခန့်ရှိ ထိပ်ဦးချွန်ဓားတစ်ချောင်းနှင့် ည ၇ နာရီ ၁၀ မိနစ်အချိန်တွင် (၁၀၅)ရပ်ကွက်၊ ရိုးမရိပ်သာလမ်းမပေါ်၌ ကိုကိုနိုင်ထံမှ အရိုးအသွား (၁၂)လက်မခန့်ရှိ ထိပ်ဦးချွန်ဓားတစ်ချောင်းကိုလည်းကောင်း၊
လှိုင်သာယာ(အနောက်ပိုင်း)မြို့နယ်ရဲတပ်ဖွဲ့မှတပ်ဖွဲ့ဝင်များသည် ည ၈ နာရီ ၁၀ မိနဟ်အချိန်တွင် (၁၈)ရပ်ကွက်၊ ကင်းဝန်မင်းကြီး(၂)လမ်းမပေါ်၌ အောင်ဖြိုးပိုင်ထံမှ အရိုးအသွား(၉)လက်မခန့်ရှိ ထိပ်ဦးချွန် ဓားတစ်ချောင်းနှင့်ကိုလည်းကောင်း ည ၈ နာရီအချိန်တွင် ဒဂုံမြို့သစ်(တောင်ပိုင်း)မြို့နယ်ရဲတပ်ဖွဲ့မှ တပ်ဖွဲ့ဝင် များသည် (၇၁)ရပ်ကွက်၊ အနော်ရထာလမ်းမကြီးပေါ်၌ သူရအောင်(ခ)ဆံရှည်ထံမှ အရိုးအသွား (၉)လက်မခန့်ရှိ ထိပ်ဦးချွန်ဓါးတစ်ချောင်းကို သိမ်းဆည်းရမိခဲ့၍ ၎င်းအား အမှုဖွင့်အရေးယူခဲ့ကြောင်း သိရသည်။
ဆွေဦး
