မြစ်ကြီးနားမြို့တွင် မူးယစ်ဆေးဝါးများဖမ်းဆီးရမိ
မြစ်ကြီးနား မေ ၁၁
မေ ၁၀ ရက်၊ ညနေ ၄ နာရီခွဲအချိန် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ဝင်များပါဝင် သောပူးပေါင်းအဖွဲ့သည် မြစ်ကြီးနားမြို့၊ ဧရာရပ်ကွက်တွင် ဝင်းသိမ့် မောင်းနှင်လာသည့် မော်တော်ဆိုင်ကယ် အား ရပ်တန့်ရှာဖွေရာ ယင်းထံမှ စိတ်ကြွရူးသွပ်ဆေးပြား ၃,၉၀၀ ပြား၊ ဘိန်းဖြူ ၀ ဒသမ ၂ ဂရမ်နှင့် လက်ကိုင်ဖုန်းတစ်လုံးတို့အား သိမ်းဆည်းရမိခဲ့ပါသည်။
ဆက်လက်၍ အဆိုပါပူးပေါင်းအဖွဲ့သည် နံနက် ၁၁ နာရီ ၄၀ မိနစ်အချိန်တွင် မြစ်ကြီးနားမြို့၊ ဒူကထောင် ရပ်ကွက်နေ မမာဘောက်၏နေအိမ်အား ဝင်ရောက်ရှာဖွေရာ မမာဘောက်အား မူးယစ်ဆေးဝါးများအား မတွေ့ရှိဘဲ လက်ကိုင်ဖုန်းတစ်လုံးနှင့်အတူ ဖမ်းဆီးရမိခဲ့သဖြင့် ဝင်းသိမ့် (၄၈)နှစ်၊ မမာဘောက် (၅၉)နှစ်တို့အား မူးယစ်ဆေးဝါးနှင့်စိတ်ကို ပြောင်းလဲစေသော ဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဆွေဦး
