COVID 19 ရောဂါ ကာကွယ်၊ ထိန်းချုပ်၊ ကုသရေးအမျိုးသားအဆင့် လုပ်ငန်းကော်မတီ၏ အမိန့်နှင့်ညွှန်ကြားချက်အား လိုက်နာရန်ပျက်ကွက် သည့် KTV ဆိုင်အား သဘာဝဘေး အန္တရာယ်ဆိုင်ရာ စီမံခန့်ခွဲမှုဥပဒေအရ အရေးယူ

ရန်ကုန်၊ ဇန်နဝါရီ  ၂၃

ရန်ကုန်တိုင်းဒေသကြီးရဲတပ်ဖွဲ့မှ တပ်ဖွဲ့ဝင်များသည် COVID-19 ရောဂါဖြစ်ပွားနေသောကာလအတွင်း ရောဂါကူးစက်မှုအား ထိန်းချုပ်တားဆီးနိုင်ရန်အလို့ငှာ COVID 19 ရောဂါ ကာကွယ်၊ ထိန်းချုပ်၊ ကုသရေး အမျိုးသားအဆင့်လုပ်ငန်းကော်မတီမှ KTV / Night Club များ ဖွင့်လှစ်ခြင်းမပြုရန် ထုတ်ပြန်ထားသည့် အမိန့်နှင့်ညွှန်ကြားချက်အား လိုက်နာခြင်းမရှိဘဲ KTV ဖွင့်လှစ်လုပ်ကိုင်နေကြောင်း သတင်းအရ ဇန်နဝါရီ ၁၉ ရက်၊ ည  ၁၀ နာရီအချိန်တွင် လှိုင်သာယာ (အရှေ့ပိုင်း)မြို့နယ်၊ (၃)ရပ်ကွက်၊ မင်းရဲကျော်စွာလမ်း၊ အမှတ်(၂)ရှိ “စွဲ” Restaurant & Family KTV သို့ ဝင်ရောက်စစ်ဆေးရာ ဆိုင်မန်နေဂျာ မင်းမင်းလှိုင် နှင့် ဆိုင်ဝန်ထမ်း အမျိုးသား/ အမျိုးသမီး(၆)ဦး၊ လာရောက်သီဆိုသူ အမျိုးသား(၈)ဦးနှင့် အကူသီဆိုသူ အမျိုးသမီး ၂ ဦးကို စစ်ဆေးတွေ့ရှိခဲ့သဖြင့် ၎င်းတို့(၁၇)ဦးအား သဘာဝဘေးအန္တရာဆိုင်ရာ စီမံခန့်ခွဲမှုဥပဒေဖြင့် အမှုဖွင့်အရေးယူခဲ့ကြောင်း သိရသည်။

ဆွေဦး