ဖားကန့်မြို့နယ်နှင့် မံစီမြို့နယ်တွင် စိတ်ကြွရူးသွပ်ဆေးပြားများ ဖမ်းဆီးရမိ
ဖားကန့်၊ ဇန်နဝါရီ ၂၀
ဇန်နဝါရီ ၁၉ ရက်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်း အဖွဲ့သည် ဖားကန့်မြို့နယ်၊ မျောက်ဖြူကျေးရွာနေ မနှင်းခိုင်(ခ)နှင်းနှင်းခိုင်၏ နေအိမ်သို့ ဝင်ရောက်ရှာဖွေရာ ၎င်းနှင့် မသန်းသန်းဆွေ တို့အား စိတ်ကြွရူးသွပ်ဆေးပြား ၄,၁၉၆ ပြားနှင့်အတူ ဖမ်းဆီးရမိခဲ့ပြီး ကွင်းဆက်အရ ညနေ ၆ နာရီအချိန် ဖားကန့်မြို့နယ်၊ လုံးခင်းကျေးရွာအုပ်စု၊ မှော်ဆီဇာကျေးရွာအနီးတွင် ဇော်ယော်အား စိတ်ကြွရူးသွပ်ဆေးပြား ၃,၆၀၀ ပြား၊ မော်တော်ဆိုင်ကယ် တစ်စီးတို့နှင့်အတူ ထပ်မံဖမ်းဆီးရမိခဲ့သဖြင့် မနှင်းခိုင်(ခ)နှင်းနှင်းခိုင်(၃၈)နှစ်၊ မသန်းသန်းဆွေ(၅၁)နှစ်၊ ဇော်ယော်(၃၅)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဇန်နဝါရီ ၁၉ ရက်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မံစီမြို့နယ်၊ ဟန်ထက်-မိုင်းခေါင်ကျေးရွာသွားလမ်း၊ ဟန်ထက်ကျေးရွာအနီးတွင် ဇော်မင်းထွန်း(ခ)အိငယ် မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ပေါ်ရှိ လက်ဆွဲအိတ်အတွင်းမှ စိတ်ကြွရူးသွပ်ဆေးပြား ၇,၃၂၀ ပြား သိမ်းဆည်းရမိခဲ့သဖြင့် ဇော်မင်းထွန်း(ခ)အိငယ်(၂၇)နှစ်အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။
ဆွေဦး
