နှစ်သစ်ကူးနေ့ EuroMillions ထီဖွင့်ပွဲတွင် ပေါင်သန်း ၄၀ နီးပါးတန် ထီဆုကြီး ဆွတ်ခူးသူ ထွက်ပေါ်လာ

လန်ဒန်  ဇန်နဝါရီ  ၃

ဗြိတိန်နိုင်ငံမှ ထီထိုးသူတစ်ဦးမှာ ဆုကြေး ပေါင်သန်း ၄၀ နီးပါးရှိသည့် EuroMillions ထီဆုကြီး ဆွတ်ခူးခဲ့ သည်။ ပြီးခဲ့သည့်သောကြာည ထီဖွင့်ပွဲတွင် ပုံမှန်ထီဂဏန်း ၅ လုံးနှင့် ကံကောင်းခြင်းဂဏန်း ၂ လုံးလုံး တူညီခဲ့သည့် ထီလက်မှတ်ပိုင်ရှင်မှာ ပေါင် ၃၉ ဒသမ ၇၇ သန်း ဆွတ်ခူးခဲ့သည်။ 

ပုံမှန်ထီဂဏန်း ၅ လုံးမှာ ၁၆၊ ၂၈၊ ၃၂၊ ၄၄၊ ၄၈ ဖြစ်ပြီး ကံကောင်းခြင်းနံပါတ် ၂ လုံးမှာ ၀၁ နှင့် ၀၉ ဖြစ်သည်။ နှစ်သစ်ကူးည UK Millionaire Maker ထီဖွင့်ပွဲတွင် အခြားသူ ၁၀ ဦးမှာလည်း ပေါင် ၁ သန်းစီ တန်ကြေးရှိသည့် ထီဆုများ ဆွတ်ခူးခဲ့သည်။ အလယ်ပုံထီဆုကြီးပေါက်သူမှာ One Direction တေးဂီတအဖွဲ့ ကြယ်ပွင့်ဟောင်း ဇန်မာလစ် ( ပေါင် ၃၆ သန်း ချမ်းသာ)ထက် ပိုချမ်းသာသွားပြီဖြစ်သည်။                   

(KNT)