ဆီဆိုင် ဇန်နဝါရီ ၁
ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်တွင် နိုင်ငံတော်မှ ထောက်ပံ့ပေးအပ် သောလူမူရေး ပင်စင်ထောက်ပံ့ငွေများကိုဇန်နဝါရီ ၁ ရက်နံနက် ၉ နာရီကအောင်ချမ်းသာရပ်ကွက်အတွင်း ရှိ အသက်(၈၅)နှစ်အထက် သက်ကြီးဘိုးဘွား(၄)ဦးတို့အား အိမ်တိုင်ရာအရောက် သွားရောက်ထောက်ပံ့ပေးခဲ့သည်။
နိုင်ငံတော်မှ လူမူရေးပင်စင်ထောက်ပံ့ခြင်းများကိုအသက် ၈၅ နှစ်အထက် သက်ကြီးဘိုးဘွားများအား တစ်လလျှင် ငွေကျပ်တစ်သောင်းနှုန်းဖြင့် သုံးလတစ်ကြိမ်ထောက်ပံ့ပေးလျက်ရှိရာဆီဆိုင်မြို့နယ်၊ အောင်ချမ်းသာရပ်ကွက်အတွင်း ရှိလူမူရေးပင်စင်ရရှိသောအဘိုး(၁)ဦးနှင့် အဘွား(၃)ဦးတို့အားတစ်ဦးလျှင် ငွေကျပ်(၃)သောင်း စီကိုမြို့နယ်အထွေထွေအုပ်ချုပ်ရေးဦးစီးဌာနမှ ရပ်ကွက်စာရေးဦခွန်ကျော်ခင်နှင့် အောင်ချမ်းသာရပ်ကွက်အုပ်ချုပ်ရေးမှူး ဦးစံဝင်းမောင် တို့က အိမ်တိုင်ရာများ အရောက်သွားရောက် ထောက်ပံ့ပေးအပ်ရာဘိုးဘွားများက နှစ်သစ်မှာငွေဝင်သည့် အတွက် ဝမ်းသာပီတိဖြစ်ကြကြောင်းသိရသည်။
ခွန်ရဲထွေး(ဆီဆိုင်)