မိုင်းယောင်းမြို့နယ်၌ စိတ်ကြွဆေးပြားများဖမ်းဆီးရမိ
မိုင်းယောင်း မေ ၆
မေ ၅ ရက်၊ ည ၁၀ နာရီခွဲအချိန်၌ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သည့် ပူးပေါင်းအဖွဲ့သည် မိုင်းယောင်းမြို့၊ (၁)ရပ်ကွက်နေ အိုက်ပေး(၃၈)နှစ်၏ နေအိမ်မှ ဆာလာအိတ် တစ်လုံးကိုင်ဆောင်၍ ထွက်လာသည့် မနာဘို(၁၉)နှစ်အား စစ်ဆေးရာ ဆာလာအိတ်အတွင်း ကပ်ခွာအိတ် များဖြင့်ထည့်လျက် စိတ်ကြွရူးသွပ်ဆေးပြား ၄၅,၀၀၀ ပြားနှင့် ဖုန်းတစ်လုံးတို့အား သိမ်းဆည်း ရမိခဲ့ပါသည်။
ဆက်လက်ပြီး ပူးပေါင်းအဖွဲ့သည် အိုက်ပေး၏ နေအိမ်သို့ ဝင်ရောက်ရှာဖွေရာ အိုက်ပေးအား မတွေ့ရှိဘဲ အဆိုပါနေအိမ်ရှေ့တွင် ရပ်ထားသည့် SHN 7M/----- Pajero ယာဉ် ၏ နောက်ခန်း ကြမ်းခင်း ဖောင်းကြွလိုင်းအတွင်း သိုဝှက်ထားသည့် ကပ်ခွာအိတ်များဖြင့်ထည့်လျက် စိတ်ကြွရူးသွပ်ဆေးပြား ၂၀၀၀၀ ပြားအား ထပ်မံသိမ်းဆည်းရမိခဲ့သဖြင့် အိုက်ပေး(ဖမ်းမမိ)နှင့် မနာဘို (ဖမ်းမိ)တို့ ၂ ဦးအား မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာဥပဒေအရ စစ်ဆေးအရေးယူလျက်ရှိကြောင်း သိရသည်။
ဆွေဦး
