ကျောက်ဖြူ ဒီဇင်ဘာ ၂၁
ကျောက်ဖြူခရိုင်၊ ကျောက်ဖြူမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနက တာဝန်ယူ ဆောင်ရွက်နေသော ကျေးရွာမြစိမ်းရောင်စီမံကိန်းရန်ပုံငွေ ပြန်လည်ထုတ်ချေးပေးခြင်းကို ဒီဇင်ဘာ ၂၁ ရက်တွင် ကျောက်ဖြူမြို့နယ်၊ ရေမျက်ကျေးရွာနှင့် ညောင်ဗြိန်ကျေးရွာတို့တွင် ကျေးရွာမြစိမ်းရောင်စီမံကိန်း စတုတ္ထနှစ်ရန်ပုံငွေများကို ကိုဗစ်-၁၉ ကာကွယ်လမ်းညွှန်ချက်နှင့်အတူ မြစိမ်းရောင် အသင်းသား၊ အသင်းသူများထံသို့ ကျေးရွာ ၂ ရွာပေါင်း ၁ ယူနစ်ထုတ်ချေးပေးခဲ့သည်။
ချေးငွေထုတ်ပေးခြင်းလုပ်ငန်းနေရာများသို့ ကျောက်ဖြူခရိုင် ကျေးလက်ဦးစီးမှူး ခရိုင်မှူး ဦးအောင်သက် ဦးနှင့်ဝန်ထမ်းများ၊ မြို့နယ်ကျေးလက်ရုံးမှ မြို့နယ်ဦးစီးမှူးနှင့် ဝန်ထမ်းများက ကျေးရွာမြစိမ်းရောင်ကော်မတီဝင် များနှင့်ပူးပေါင်းပြီး အနီးကပ်ကြပ်မတ်ဆောင်ရွက်ပေးရန် တာဝန်ရှိသူတို့က ကျေးရွာသူ၊ ကျေးရွာသားအနေဖြင့် မိမိတို့ရရှိသော ငွေကြေးများကို အလေအလွင့်မရှိစေရန် လုပ်ငန်းများ၌ အကျိုးရှိရှိလုပ်ဆောင်ကြရာတွင် ထည့်သွင်းအသုံးပြုကြရန်နှင့် ဝင်ငွေတိုးပွားစေပြီး တစ်ဖက်တစ်လမ်းမှ မိသားစုစားဝတ်နေရေးကို အထောက် အကူပြုသွားနိုင်မည်ဖြစ်ကြောင်း ရှင်းလင်းပြောကြားခဲ့ကြောင်း သိရသည်။
အောင်လှဖြူ(ရမ်းဗြဲ)