နိုဝင်ဘာ ၂၃
ဂျူဗင်တပ်အသင်း နည်းပြပီယာလိုက တိုက်စစ်မှူးစီရော်နယ်ဒိုသည် အသင်းအတွက် စံပြကစားသမား တစ်ဦးဖြစ်ကြောင်း ဂျူဗင်တပ်နှင့် ကယ်ဂလီယာရီအသင်းတို့ ကစားခဲ့သည့် ပွဲစဉ်အပြီးတွင် ပြောကြားခဲ့သည်။
အဆိုပါပွဲစဉ်တွင် ဂျူဗင်တပ်အသင်းက ကယ်ဂလီယာရီအသင်းကို ၂ ဂိုး၊ ဂိုးမရှိဖြင့် အနိုင်ရရှိခဲ့ခြင်းဖြစ်ပြီး ယင်းဂိုးများကို စီရော်နယ်ဒိုက သွင်းယူပေးခဲ့ခြင်းဖြစ်သည်။
စီရော်နယ်ဒိုသည် COVID-19 ရောဂါ ကူးစက်ခံခဲ့ရပြီးနောက်တွင် အကောင်းဆုံးခြေစွမ်းပြကစားနိုင်ခဲ့ပြီး ယင်းပါဝင်ကစားခဲ့သည့် ပွဲစဉ်တိုင်းတွင် အသင်းအတွက်ဂိုးသွင်းယူနိုင်ခဲ့သည်။
“စီရော်နယ်ဒိုဟာ ပရော်ဖက်ရှင်နယ်ဆန်တဲ့ ကစားသမားတစ်ယောက်ပါ။ သူဟာ အသင်းမှာပါဝင် ကစားခဲ့တဲ့ အချိန်တွေနဲ့လေ့ကျင့်ရေးကွင်းတွေမှာလည်း ကစားသမားတိုင်းရဲ့စံပြုထိုက်တဲ့ ကစားသမား တစ်ဦးပါ”ဟု နည်းပြပီယာလိုက ပြောကြားခဲ့သည်။
(သူရိန်)