ပရီးမီးယားလိဂ်အတွက် စူပါကွန်ပျူတာရဲ့ခန့်မှန်းချက်က မန်ယူအတွက် စိတ်မချမ်းသာစရာပါ
နိုဝင်ဘာ ၁၁
လက်ရှိပရီးမီးယားလိဂ်ရဲ့အသင်းအချို့အတွက် စူပါကွန်ပျူတာက ရာသီကုန်မှာအသင်းလိုက် ရပ်တည်သွားမယ့်အဆင့်တွေကို ခန့်မှန်းတွက်ချက်ပေးရာမှာ မန်ယူအသင်းအတွက်ကတော့ စိတ်ပျက်စရာ ဖြစ်ခဲ့ရပါတယ်။ လက်ရှိမန်ယူအသင်းကလည်း ပြီးခဲ့တဲ့ရာသီအစကကဲ့သို့ပါပဲ ရာသီအဖွင့်မှာ ချဲလ်ဆီးကို နိုင်ပြီး နောက်ပိုင်းတော်တော်ရုန်းကန်ခဲ့ရတာ အသင်းကို ဖာနန်ဒက်စ်ရောက်ရှိလာပြီး ရာသီကုန်မှာ အဆင့် ၃ နဲ့ ချန်ပီယံလိဂ်ဝင်ခွင့်ရခဲ့တာပါ။ ဒီရာသီမှာလဲ ပွဲစဉ် ၇ ပွဲယှဉ်ပြိုင်ကစားပြီးချိန်မှာ ၄ ပွဲနိုင် ၃ ပွဲရှုံး၊ ၁ ပွဲသရေနဲ့ ရမှတ် ၁၀ မှတ်ရကာ အဆင့် ၁၅ မှာရပ်တည်နေပါတယ်။ ရှုံးတဲ့ ၃ ပွဲက အိမ်ကွင်းမှာအသင်းငယ်တွေကို ရှုံးခဲ့တာပါ။ လက်ရှိလည်း အသင်းကရုန်းကန်နေရပါတယ်။ မနှစ်ကနဲ့ သိပ်မထူးပါဘူး။ ဒါကြောင့် စူပါကွန်ပျူတာက မန်ယူကို ရာသီကုန်မှာ အဆင့် ၈ နေရာနဲ့ အဆုံးသတ်မယ်လို့ ခန့်မှန်းတွက်ချက်ခဲ့တာဖြစ် ပါတယ်။ မန်ယူတို့အတွက်တော့ မခံချင်စရာပါ။ ဒါပေမယ့် မန်ယူတို့ လက်ရှိအတိုင်းဆက်သွားမယ်ဆိုရင် ကွန်ပျူတာခန့်မှန်းတာထက် ပိုဆိုးသွားနိုင်ပါတယ်။ စူပါကွန်ပျူတာက လီဗာပူးလ် ချန်ပီယံဆု ကာကွယ် နိုင်မယ်။ မန်စီးတီးအဆင့် (၂) ၊ အဆင့် ၃ ၊ ၄ ၊ ၅ မှာ ချဲလ်ဆီး၊ စပါးနဲ့ လက်စတာ၊ အဆင့် ၆ မှာ အာဆင်နယ်၊ အဆင့် ၇ မှာတော့ အဲဗာတန်တို့ ဒီရာသီအသိမ်းမှာ ရပ်တည်သွားကြလိမ့်မယ်လို့ ခန့်မှန်းထားပါတယ်။
(SO)
