ရန်ကုန်ပြည်သူ့ဆေးရုံကြီး ပြင်ပလူနာဌာန(တိုးချဲ့ ) အ.ထ.က(၂) လသာ၌ ယာယီဖွင့်လှစ်
ရန်ကုန် ဧပြီ ၂၉
လတ်တလောဖြစ်ပွားနေသော COVID- 19 ရောဂါကြောင့် ရန်ကုန်ပြည်သူ့ဆေးရုံကြီး ပြင်ပလူနာဌာန ( တိုးချဲ့) ကို ဧပြီ ၁၀ ရက်က ပိတ်ထားခဲ့ပြီး ဧပြီ ၂၀ ရက်မှစတင်၍ အ.ထ.က(၂) လသာ၌ ယာယီဖွင့်လှစ်ခဲ့ရာ ရန်ကုန်တိုင်းဒေသကြီး လူမှုကူညီရေး(ရန်ကုန်) YRO က ကူညီဆောင်ရွက်ပေးလျက်ရှိကြောင်း သိရသည်။
အဆိုပါပြင်ပလူနာဌာန(တိုးချဲ့) ပြန်လည်ဖွင့်လှစ်ရာတွင် ရက်ချိန်းပြည့်ပြန်လည်ပြသရန် လာရောက် သောပြည်သူများအား အခက်အခဲမရှိစေရန် ရန်ကုန်တိုင်းဒေသကြီး လူမှုကူညီရေးအဖွဲ့ Special Rescue Team မှ စေတနာ့ဝန်ထမ်းများက ကူညီဆောင်ရွက်ပေးလျက်ရှိကြောင်း တွေ့ရစဉ်။
အောင်မြင့်ဌေး(မြို့တော်သတင်း)
