နိုင်ငံခြားရေးဝန်ကြီးဌာန စာမေးပွဲကို ရက်အကန့်သတ်မရှိရွှေ့
ရန်ကုန် ဧပြီ ၂၉
နိုင်ငံခြားရေးဝန်ကြီးဌာနက ကျင်းပပြုလုပ်မည့် အရည်အချင်းစစ် ရေးဖြေစာမေးပွဲကို ရက်အကန့် အသတ်မရှိရွေ့ဆိုင်းလိုက်သည်ဟု နိုင်ငံခြားရေးဝန်ကြီးဌာနမှ ထုတ်ပြန်သည်။
အဆိုပါစာမေးပွဲကို မေ ၁၆ ရက် တွင်ကျင်းပပြုလုပ်ရန် ရည်ရွယ်ထားသော်လည်း ယခုအခါ ရွှေ့ဆိုင်းလိုက် ပြီဟု ကြေညာထားသည်။ ထို့အပြင် နိုင်ငံခြားရေးဝန်ကြီးဌာနတွင် လစ်လပ်လျက်ရှိသော အငယ်တန်းစာရေး ရာထူးနေရာများအတွက် လက်ခံခြင်းနှင့် ဖြေဆိုခွင့်ကတ်ပြားထုတ်ပေးခြင်းလုပ်ငန်းစဉ်များကို ဆက်လက် ရပ်ဆိုင်းထားမည်ဖြစ်ကြောင်း ထုတ်ပြန် ထားသည်။
အဆိုပါ လုပ်ငန်းစဉ်များကို ပြန်လည်လက်ခံဆောင်ရွက်ပေးနိုင်မည့် နေ့ရက်အား ထပ်မံအသိပေး သွားမည်ဖြစ်ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။
မေဘယ်လ်အောင်
