ကျေးလက်ခရိုင်ဦးစီးမှူး VDP လုပ်ငန်းကွင်းဆင်းစစ်ဆေး

သံတွဲ ဧပြီ ၂၇ ရခိုင်ပြည်နယ်၊ သံတွဲခရိုင်၊ ကျေးလက်ဒေသဖွံ့ဖြိုးတိုးတက်ရေး ဦးစီးဌာန၊ ခရိုင်ဦးစီးမှူး ဒေါ်မြသန္တာသန်း သည် ဧပြီ ၂၇ ရက်၊ နံနက်ပိုင်းတွင် ခရိုင်မြို့နယ် ကျေးလက်ဦးစီးဌာနက တာဝန်ရှိသူများလိုက်ပါလျက် ၂၀၁၉- ၂၀၂၀ ဘဏ္ဍာရေးနှစ်တွင် ကျေးရွာဖွံ့ဖြိုးရေး VDP ခွင့်ပြုရန်ပုံငွေ ကျပ်သိန်း ၁၀၀ ပြည်သူထည့်ဝင်ငွေ ကျပ် ၃၄ ဒသမ ၃၄ သိန်း စုစုပေါင်း (၁၃၄ ဒသမ ၃၄)ကျပ်သိန်းဖြင့် ဆောင်ရွက်ပြီးစီးပြင်ဆင်သည့် သံတွဲမြို့နယ်ကျောင်း တိုက်အုပ်စု ကျောင်းတိုက်ကျေးရွာတွင် လမ်းကွန်ကရစ်ခင်းခြင်းလုပ်ငန်း (၇၀၀' x ၁၂' x ၉") ကျေးရွာဖွံ့ဖြိုး ရေး ရန်ပုံငွေ ကျပ် (၁၀၀)သိန်း ပြည်သူထည့်ဝင်ငွေ (၂၅ ဒသမ ၀၈)သိန်း စုစုပေါင်း (၁၂၅ ဒသမ ၀၈)သိန်းဖြင့် ဆောင်ရွက်ပြီးစီးသည့် သံတွဲမြို့နယ် ခရမ်းမော်ကျေးရွာအုပ်စု ဝါးနွယ်ပြင်ကျေးရွာတွင် လမ်းချောင်း သဲကျောက်ခင်းခြင်းလုပ်ငန်း (၃၇၀၀' x ၁၂' x ၇")နှင့် ကွန်ကရစ်ရေပြွန် (၆)စင်း တည်ဆောက်ခြင်းလုပ်ငန်း ၆ (၁' ၆" x ၁၅) များအား ကွင်းဆင်းကြည့်ရှုစစ်ဆေးခဲ့ပြီး ကျေးရွာတွင်းလမ်းများ ရေရှည်တည်တံ့ကောင်းမွန် အောင် လုပ်ငန်းလိုအပ်ချက်များကို ကျေးရွာဖွံ့ဖြိုးရေးကော်မတီဝင်များအား ဝိုင်းဝန်းထိန်းသိမ်းကြရန် လမ်းညွှန်မှာကြားခဲ့၍ ၎င်းပြင် ကျေးလက်ခရိုင်ဦးစီးမှူး ဒေါ်မြသန္တာသန်းနှင့် တာဝန်ရှိသူတို့က လုပ်ငန်း ကြီးကြပ်ဆောင်ရွက်နေကြသည့်ကျောင်းတိုက်ကျေးရွာနှင့် ဝါးနွယ်ပြင်ကျေးရွာကော်မတီဝင်များအား လတ် တလောဖြစ်ပွားနေသော COVID-19 ရောဂါ ကာကွယ်ရေးအတွက် အဝတ် Mask များ ဖြန့်ဝေထောက်ပံ့ခဲ့ကြ ကြောင်း သိရသည်။ ဦးအောင်လှဖြူ (ရမ်းဗြဲ)