အဲဗာတန်တို့ ချဲလ်ဆီးကြယ်ပွင့် ဗဟိုနောက်ခံလူကို ခေါ်ယူဖို့ ချိတ်ဆက်
စက်တင်ဘာ ၂၉
ပရီးမီးယားလိဂ်မှာ ရလဒ်ကောင်းတွေရနေတဲ့ အဲဗာတန်အသင်းဟာ သူတို့ရဲ့ နောက်ခံဗဟိုနေရာကို ဖြည့်တင်းသွားဖို့အတွက် ချဲလ်ဆီးအသင်းရဲ့ ကြယ်ပွင့်ကစားသမား ဗဟိုနောက်ခံလူ ကတ်ဇူးမားကို ပေါင် ၃၆ သန်း အောက် ဝန်းကျင်နဲ့ ခေါ်ယူနိုင်ဖို့ ဆွေးနွေးမှုစတင်ပြုလုပ်နပြီလို့ ပြင်သစ်သတင်းဌာန Le IO Sport က ဖော်ပြထားပါတယ်။ ဗဟိုနောက်ခံလူနေရာကို အင်အားဖြည့်တင်းသွားဖို့ စီစဉ်နေတဲ့ တော်ဖီတို့ဟာ ကနဦးအစမှာ ချဲလ်ဆီးအသင်းရဲ့ လူငယ်နောက်ခံလူ တိုမိုရီကို ပစ်မှတ်ထားခဲ့ပေမယ့် ချဲလ်ဆီးနည်းပြ ဖရန့်လမ်းပတ်က တိုမိုရီကို အသင်းမှာပဲဆက်ထားဖို့ ဆုံးဖြတ်ခဲ့တာကြေင့် အဲဗာတန်တို့ ဇူးမားဘက်ကို ခြေဦးလှည့်ခဲ့တာပဲဖြစ်ပါတယ်။ ပြင်သစ်သားဟာ ၂၀၁၈− ၁၉ ရာသီမှာ အဲဗာတန်အသင်းမှာ အငှားထွက်ကစား ခဲ့ဖူးပြီး ခြေစွမ်းပြကစားနိုင်ခဲ့တာကြောင့် လက်ရှိနွေစျေးကွက်မှာ ပစ်မှတ်ကစားသမားစာရင်းထဲပါဝင်နေတာပါ။ အဲဗာတန်တို့ ဂွတ်ဒီဆင့်ပါခ်ဆီ အရခေါ်ယူနိုင်ဖို့ ကြိုးစားသွားမှာပါ။ နှစ်သင်းကြားဆွေးနွေးမှုတွေ စတင်နေပါပြီ။ ချဲလ်ဆီးအနေနဲ့ ဇူးမားကို ပေါင် ၃၆ သန်းရရှိမှသာ လက်လွှတ်သွားမယ်လို့ တုံ့ပြန်ထားတာကြောင့် အဲဗာတန်တို့ အတွက် ခက်ခဲဖွယ်ရှိနေပေမယ့် ညှိနှိုင်းမှုတွေဆက်လက်လုပ်သွားမှာဖြစ်ပါတယ်။
(SO)
