ဖားကန့် ဧပြီ ၂၃ ဧပြီ ၂၂ ရက်၊ နံနက် ၁၁ နာရီခွဲအချိန် ဖားကန့်မြို့နယ်၊ မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့ဝင်များပါဝင်သောပူးပေါင်းအဖွဲ့သည် မှော်ရှန်ကျေးရွာနေ အားကျွမ်း(၂၅)နှစ်၏ နေအိမ်အား ဝင်ရောက်ရှာဖွေရာ နေအိမ်အိပ်ခန်းအတွင်းမှ ကပ်ခွာအိတ်များဖြင့်ထည့်ထားသည့် 88/1 စာတမ်းပါစိတ်ကြွဆေးပြား ၁၅၆၀ ပြားအား သိမ်းဆည်းရမိခဲ့သဖြင့် ညနေ ၃ နာရီခွဲအချိန်တွင် အားကျွမ်း(ဖမ်းမိ)အား မူးယစ်ဆေးဝါးနှင့်စိတ်ကိုပြောင်းလဲစေတတ်သော ဆေးဝါးများဆိုင်ရာဥပဒေအရ အမှုဖွင့် အရေးယူထားကြောင်း သိရသည်။ ဆွေဦး