SMEs လုပ်ငန်းများ ပြန်လည်ထူထောင်နိုင်ရေး အွန်လိုင်းဆွေးနွေးပွဲ ကျင်းပမည်

ရန်ကုန်  ဩဂုတ်  ၁၃

Covid ကာလ SMEs လုပ်ငန်းများ ပြန်လည်ထူထောင်နိုင်ရေးနှင့် JICA SME Two Steps Loan လျှောက်ရန် လိုအပ်သည့်လုပ်ငန်းစဉ်များ အသိပညာပေးရေးတို့အတွက် အွန်လိုင်းဆွေးနွေးပွဲကို မကြာမီ ကျင်းပပြုလုပ်သွားမည်ဖြစ်ကြောင်း ကုန်သည်စက်မှုအသင်းချုပ်မှ သိရသည်။

COVID-19 ကပ်ရောဂါကာလ SMEs လုပ်ငန်းများထိခိုက်မှုမှသည် ပြန်လည်နလံထူ၍ ရေရှည် ဖွံ့ဖြိုးတိုးတက်သောလုပ်ငန်းများအဖြစ် ထူထောင်နိုင်ရန်အတွက် JICA မှ သက်ဆိုင်ရာ အစိုးရဌာန၊ ပုဂ္ဂလိက အဖွဲ့အစည်းများနှင့်ပူးပေါင်း၍ အွန်လိုင်းဆွေးနွေးပွဲတစ်ရပ်ကို မြန်မာဘာသာဖြင့် စက်တင်ဘာလတွင်         နှစ်ရက်တာကျင်းပပြုလုပ်သွားမည်ဖြစ်ကြောင်း သိရသည်။ 

အဆိုပါ အွန်လိုင်းဆွေးနွေးပွဲတွင် SMEs လုပ်ငန်းများအတွက် အသုံးဝင်မည့်  စီမံခန့်ခွဲမှု နည်းလမ်းများ၊ နည်းဗျူဟာများနှင့်သတင်းအချက်အလက်များကိုပံ့ပိုးပေးခြင်း၊ JICA SME Two Steps Loan လျှောက်ရန် လိုအပ်သည့်လုပ်ငန်းစဉ်များကို အသိပညာပေးခြင်းတို့ဖြင့် ပါဝင် ဆွေးနွေးပေးသွားမည်ဖြစ်သည်။

COVID-19 အကျပ်အတည်းကာလ အသေးစားနှင့် အလတ်စားစီးပွားရေးလုပ်ငန်းများ ပြန်လည် ထူထောင်နိုင်ရေးအတွက် JICA မှ ကျင်းပပြုလုပ်မည့် အွန်လိုင်းဆွေးနွေးပွဲအတွက်  ဩဂုတ် ၁၁ ရက်က Japan International Cooperation Agency (JICA) ရန်ကုန်ရုံးခွဲမှ တာဝန်ရှိသူနှင့် ကုန်သည်စက်မှုအသင်းချုပ်မှ တာဝန်ရှိသူတို့ အကြိုညှိနှိုင်းဆွေးနွေးမှုများပြုလုပ်ခဲ့သည်။                                             

မေဘယ်လ်အောင်