လုပ်ငန်းသုံးဖြစ်လာနိုင်သည့် AI နည်းပညာသုံး စက်ရုပ်ငှက်
ဇူလိုင် ၂၂
ဂျာမနီတွင် စက်ရုပ်ငှက်များတီထွင်လျက်ရှိကြောင်း သိရသည်။ စက်ရုပ်လောကတွင် အမျိုးအစား ပေါင်းစုံသော နည်းပညာသုံးစက်ရုပ်များတီထွင်ခဲ့သော်လည်း ယခုကဲ့သို့ ငှက်စက်ရုပ်လေးကို တီထွင်ထားခြင်း မရှိသေးပေ။
Festo ဆိုသည့် ဂျာမနီနိုင်ငံမှကုမ္ပဏီတစ်ခုကနေပြီး စက်ရုပ်များကို တီထွင်ခဲ့ခြင်းဖြစ်သည်။ ငှက်များ ကို Boinic Swift အမည်ပေးထားခဲ့ပြီး ထိန်းချုပ်မှုမပါဘဲ အလိုအလျောက်စနစ်ဖြင့် ၇ မိနစ် ပျံသန်းနိုင် စွမ်းရှိသည့်အပြင် ယင်းတို့ ပျံသန်းနေသည့် လမ်းကြောင်းတစ်လျှောက်ကိုလည်း ဗီဒီယိုဖြင့်မြင်ကွင်းကို ကြည့်နိုင်မည်ဖြစ်သည်။
ယင်းတို့အလေးချိန်က တစ်ကောင်ကို ၄၂ ဂရမ်သာရှိပြီး Bionic Swift ၉ ခု၏ အလေးချိန်သည် သံဘူးအအေးဘူးတစ်ဘူးဖြင့် ညီမျှသည်။ ပျံသန်းရန်လမ်းကြောင်းကို ယင်းစက်ရုပ်များဆီ ထည့်ထားသည့် ရေဒီယိုစနစ်၊ GPS စနစ်တို့ဖြင့် အတား အဆီးနှင့်လမ်းကြောင်းများ သတ်မှတ်နိုင်ပြီး တောင်ပံခတ်ခြင်း၊ လေဟုန်စီးခြင်းများလုပ်ဆောင်နိုင်သည်။ အဆိုပါစက်ရုပ်ငှက်များကို နောက်ပိုင်းတွင် စက်ရုံအလုပ်ရုံများနှင့် နည်းပညာ၊ ရေဒီယိုကုမ္ပဏီပိုင်းများတွင် အသုံးပြုလာနိုင်သည်။
(WP)
