ဗိုလ်တထောင်လူကူးတံတား လှေကားတည်ဆောက်ခြင်းလုပ်ငန်းဆောင်ရွက်
ရန်ကုန် ဇူလိုင် ၁၂
ရန်ကုန်တိုင်းဒေသကြီး၊ ရန်ကုန်အရှေ့ပိုင်းခရိုင်၊ ဗိုလ်တထောင်မြို့နယ်၊ ဗိုလ်တထောင်လူကူးတံတား လှေကားတည်ဆောက်ခြင်း လုပ်ငန်းခွင်တွင်ဇူလိုင် ၁၂ ရက် နံနက် ၈နာရီက လုပ်ငန်းများဆောင်ရွက်လျက်ရှိကြောင်းသိရသည်။
အဆိုပါတံတားမှာဗိုလ်တထောင်ဘုရားလမ်းနှင့်ကမ်းနားလမ်းမီးပွိုင့်တွင်တည်ဆောက်ထားခြင်းဖြစ်ပြီး ယခုတည်ဆောက်ထားသောလှေကားမှာထပ်မံ၍ တည်ဆောက်ထားပေးခြင်းဖြစ်သည်။ ဗိုလ်တထောင်တံတားမှာဗိုလ်တထောင်ဆံတော်ဦးစေတီတော်သို့ ဘုရားဖူးလာသူများ နှင့်ဗိုလ်တထောင်သမ္ဗန်ဆိပ်မှခရီးသွားများဖြင့်စည်ကားသည့်နေရာတွင်တည်ရှိ၍ ၆ 'x ၆၀' လှေကားတစ်ခုထပ်မံတည်ဆောက်ပေးသွားသောကြောင့် ယာဉ်အန္တရာယ်ကင်းဝေး၍ ခရီးသွားပြည်သူများအတွက် သွားလာမှုအဆင်ပြေကြောင်းသိရသည်။
သိန်းသိန်း(ဗိုလ်တထောင်)
