ရန်ကုန် ဇူလိုင် ၁၂
ဒေသခံပြည်သူများ မြစ်ရေကြီးချိန်တွင် အန္တရာယ်ကင်းရှင်းစွာခရီးသွားလာနိုင်ရေးအတွက် ပြည်တွင်းရေကြောင်း ပို့ဆောင်ရေးပိုင်ရေယာဉ်များဖြင့် ဗန်းမော်-ရွှေကူ-မန္တလေးခရီးစဉ်များကို ပုံမှန်အတိုင်း ပြေးဆွဲပေးနေကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန၏ ပြည်တွင်းရေကြောင်းပို့ဆောင်ရေး ဌာန၏ ဇူလိုင် ၁၀ ရက်နေ့ ထုတ်ပြန်သတင်းများအရ သိရသည်။
ဧရာဝတီမြစ်ရေကြီးချိန်တွင် ဒုတိယမြစ်ကျဉ်းအောက်ဘက် ကြက်တူရွေးနှုတ်သီးသို့ မြစ်ရေရောက် ရှိချိန်နှင့် ကြက်တူရွေးခေါင်းမြုပ်ချိန်တွင် ပုဂ္ဂလိကအမြန်ရေယာဉ်များသည် အဆိုပါမြစ်ကျဉ်းတွင် အန္တရာယ်ရှိ သောကြောင့် ရေယာဉ်ပြေးဆွဲမှုများ ခေတ္တရပ်နားခဲ့ရသည်။
ထို့ကြောင့် အများပြည်သူခရီးသွားလာမှုအဆင်ပြေ စေရေးအတွက် ပြည်တွင်းရေကြောင်းပို့ဆောင်ရေးပိုင်သင်္ဘောများဖြင့် ပုံမှန်ခရီးစဉ်အတိုင်းတစ်ပတ်ကို ၂ ရက် ပုံမှန်ပြေးဆွဲဆောင်ရွက်ပေးနေခြင်းဖြစ်သည်။
အဆိုပါခရီးစဉ်များကို ပုံမှန်ခုတ်မောင်းပြေးဆွဲပေးရာတွင် အဆိုပါမြစ်ကျဉ်းနေရာတွင် တစ်ခါတစ်ရံရေစီး ကြမ်းနေသဖြင့် ပြည်တွင်းရေကြောင်းပို့ဆောင်ရေးပိုင်ရေယာဉ်များသည် ကြက်တူရွေးနှုတ်သီးအနီးရှိကျေးရွာ များတွင် ကြိုးချည်၍ခေတ္တရပ်နားခဲ့ကြပြီးမှ ပြန်လည်၍ဆန်တက်မောင်းနှင်းခဲ့ကြရသည်။ အဆိုပါခရီးစဉ်များ တွင် ယခုကဲ့သို့မြစ်ရေများချိန်တွင် ဒေသခံပြည်သူများအနေနှင့် ပြည်တွင်းရေကြောင်းပို့ဆောင်ရေးပိုင် ရေယာဉ်များဖြင့်သာ ရေလမ်းခရီးကိုအားထားပြီး အများဆုံးသွားလာကြကြောင်း သိရသည်။
ကိုသာစစ်