မကွေး ဇူလိုင် ၃
မကွေးခရိုင်၊ မြို့သစ်မြို့နယ် နေပြည်တော်-မြို့သစ်-ကံပြား(မကွေး) လမ်း ရေရှည်တည်တံ့ခိုင်မြဲရေးအတွက် မိုင်တိုင်အမှတ်(၄၂)အနီးတွင် တန်ပိုစစ်ဆေးရေးဂိတ်တည်ဆောက်နေကြောင်း မြို့နယ်လမ်းဦးစီးဌာနမှ သိရသည်။
နေပြည်တော်-မြို့သစ်-ကံပြား(မကွေး)လမ်းတွင် တန်ပိုစစ်ဆေးရေး ဂိတ်မရှိသဖြင့် တန်ပိုယာဉ်များ များစွာ ဖြတ်သန်းနေသော လမ်းဖြစ်နေသည့်အတွက် မြို့နယ်လမ်းဦးစီးဌာနမှ သတ်မှတ်ထားသောတန်ချိန်အတိုင်း တင်ဆောင်သွားလာခြင်းရှိစေရန် နေပြည်တော်-တောင်ညို-မြို့သစ်-ကံပြား(မကွေး)လမ်း ရေရှည်တည်တံ့စေရေး အတွက် ဆောင်ရွက်တည်ဆောက်ရခြင်းဖြစ်ကြောင်း မြို့နယ်လမ်းဦးစီးဌာန SAE ဦးငြိမ်းချမ်းထံမှ သိရသည်။
အဆိုပါ တန်ပိုစစ်ဆေးရေးဂိတ်ကို တိုင်းဒေသကြီးခွင့်ပြုရန်ပုံငွေ ကျပ်သန်း ၉ဝဖြင့် အကုန်အကျခံတည်ဆောက် နေခြင်းဖြစ်ပြီး မကွေးခရိုင်လမ်းဦးစီးဌာနအစီအစဉ်ဖြင့် မြို့သစ်မြို့နယ်လမ်းဦးစီးဌာနမှ မတ် ၁ရက် မှစတင်ကာ တာဝန်ယူတည်ဆောက်နေခြင်းဖြစ်ပြီး ယခုနှစ် စက်တင်ဘာ ၃ဝ ရက်တွင် ပြီးစီးမည်ဖြစ်ကြောင်း သိရသည်။
ကျော်ဆန်းမြင့်