လှိုင်သာယာ (အနောက်ပိုင်း)မြို့နယ် အမှတ်(၁၁) ရပ်ကွက်၊ ဇောတိကလမ်း၊ အမှတ် (၁၈) အခြေခံပညာအလယ်တန်းကျောင်း (အထက်တန်းကျောင်းခွဲ) သန့်ရှင်းသာယာလှပစေရေး
ဧပြီ ၂၅ ရက် က မြို့နယ်စည်ပင်သာယာ အုပ်ချုပ်ရေးမှူးကြီးကြပ်၍ မြို့နယ် စည်ပင်သာယာအုပ်ချုပ်ရေးမှူးရုံးနှင့် ဌာနများက တွဲဖက်ဝန်ထမ်း များ ပူးပေါင်းအင်အား (၅၀) ဦးဖြင့် ရေနုတ်မြောင်းများအတွင်းရှိ အမှိုက်နှင့် မြောင်းချေးများ ဆယ်ယူရှင်းလင်းခြင်း၊ မြက်ပင်ချုံနွယ် များခုတ်ထွင်ရှင်းလင်းခြင်း၊ သစ်ပင်အောက်တက်များ ရှင်းလင်း ခြင်း၊ အုပ်မိုးကိုင်းများ ဖြတ်ညှိပုံသွင်း အလင်းဖွင့်ခြင်း၊ စွန့်ပစ် အမှိုက်များ သိမ်းဆည်းခြင်း၊ သစ်ရွက်ခြောက်ကြွေများ၊ သဲခဲများ လှည်းကျင်းရှင်းလင်းခြင်း၊ ကျောင်းတွင်း ကျောင်းပြင်သန့်ရှင်းရေး ပြုလုပ်ခြင်း၊ ထွက်ရှိအမှိုက်၊ သစ်ကိုင်း သစ်ခက်နှင့် မြောင်းချေး များကို ယာဉ်တစ်စီးဖြင့် သိမ်းဆည်းသယ်ယူ စွန့်ပစ်ခြင်းတို့ ဆောင်ရွက်ကြစဉ်။
မိုးမြင့်မောင်
