ဆိုဖီယာ စက်တင်ဘာ ၂၀
ဘူလ်ဂေးရီးယားနိုင်ငံ ပင်လယ် နက်ကမ်းရိုးတန်းတွင် တွေ့ရသည့် မောင်းသူမဲ့လေယာဉ်ကို ဖောက်ခွဲရေး ပစ္စည်းများ တပ်ဆင်ဖောက်ခွဲပစ်လိုက် ကြောင်း ဘူလ်ဂေးရီးယားကာကွယ် ရေးဝန်ကြီးဌာနက စက်တင်ဘာ ၁၉ ရက်တွင် ထုတ်ပြန်သည်။
ဒရုန်းတစ်စင်း၏ အစိတ်အပိုင်းများ နှင့်အတူ ချိတ်ဆက်နေသည့် ၈၂ မီလီ မီတာ မော်တာဗုံးသီးပူးတွဲနေသည်ကို ဘူလ်ဂေးရီးယား ရေတပ်အထူးတပ်ဖွဲ့ က စတင်တွေ့ရှိခြင်းဖြစ်ကြောင်း ကာကွယ်ရေးဝန်ကြီးဌာနက ထုတ်ပြန် သည်။
ဗုံးသီးသည် ယိုယွင်းပျက်စီးနေပြီး အခြားနေရာသို့ ရွှေ့ပြောင်းခြင်း သို့မဟုတ် သယ်ယူရန် အဆင်မပြေခြင်း များကြောင့် တွေ့ရှိသည့်နေရာမှာပင် အထူးတပ်ဖွဲ့က ဖောက်ခွဲလိုက်ခြင်း ဖြစ်ကြောင်း သိရသည်။
ဘူလ်ဂေးရီးယား ကာကွယ်ရေး ဝန်ကြီးကမူ အဆိုပါဒရုန်းသည်ယူကရိန်း စစ်ပွဲနှင့်ဆက်စပ်နေသည်ဟု ယူဆရ ကြောင်း ထုတ်ဖော်ပြောကြားထား သည်။
(ref: Reutets)