မင်္ဂလာတောင်ညွန့်မြို့နယ် ဗညားဒလလမ်း နေအိမ်တိုက်ခန်းမီးလောင်
ရန်ကုန် ဖေဖော်ဝါရီ ၆
မင်္ဂလာတောင်ညွန့်မြို့နယ်၊သပြေကုန်းရပ်ကွက်၊ဗညားဒလလမ်း၊အမှတ် ၂၄၊၄လွှာ(ယာ) နေအိမ်ခန်းတွင် ယနေ့ မွန်းလွဲ ၁ နာရီ ၃၆ မိနစ် အချိန် ခန့်မီးလောင်မှုဖြစ်ပွားသည်။ မီးလောင်မှုဖြစ်ပွားရာသို့ လုံခြုံရေးတပ်ဖွဲ့ဝင် များရောက်ရှိလုံခြုံရေးရယူပြီး မီးသတ်တပ်ဖွဲ့မှ မီး သတ်ယာဉ်ခုနစ်စီးဖြင့် ငြှိမ်းသတ်ခဲ့ရာ မွန်းလွဲ ၂ နာရီ ခန့်တွင် မီးငြိမ်းသည်။ မီးလောင်မှုမှာဝါယာရှော့ခ်ဖြစ်ရာမှ ကူးစက် လောင်ကျွမ်းခြင်းဖြစ်ကြောင်း သိရသည်။
ယဉ်မွန်
