တောင်ဥက္ကလာပမြို့နယ်အတွင်းရှိ ဒေသဖွံ့ဖြိုးရေးလုပ်ငန်းများ ဆောင်ရွက်နေမှု အခြေအနေများအား ကွင်းဆင်းစစ်ဆေး
ရန်ကုန် ဇွန် ၁၇
ရန်ကုန်အရှေ့ပိုင်းခရိုင်၊ တောင်ဥက္ကလာပမြို့နယ်အတွင်းရှိ ဒေသဖွံ့ဖြိုးရေးလုပ်ငန်းများ ဆောင်ရွက်နေမှု အခြေအနေများကို ဇွန် ၁၇ ရက်နေ့က မြို့နယ်ဌာနဆိုင်ရာတာဝန်ရှိသူများနှင့် လွှတ်တော်ကိုယ်စားလှယ်များ ပူးပေါင်း၍ သစ္စာလမ်းမကြီးရှိ ရန်ကုန်မြို့ပတ် မီးရထားလမ်း အဆင့်မြှင့်တင်ရေးစီမံကိန်း (အရှေ့ခြမ်း) မီးရထားလမ်းနှင့် ကားလမ်းဆက်စပ်နေသော နေရာအား အဆင့်မြှင့်တင်ခြင်းလုပ်ငန်း၊ မြို့နယ်မီးသတ်တပ်ဖွဲ့ ၆ ခန်းတွဲ ၄ ထပ် ဝန်ထမ်းနေအိမ် တည်ဆောက်နေမှုလုပ်ငန်း၊ ပဒေသာအားကစားကွင်းအား မီတာ(၄၀၀) ပြေးလမ်းတည်ဆောက်ခြင်းလုပ်ငန်း၊ အားကစားနှင့်ကာယပညာဦးစီးဌာန ၄ ထပ် အားကစားသမား အိပ်ဆောင်၊ လေ့ကျင့်ဆောင်၊ စားရိပ်သာ ဆောက်လုပ်ခြင်း လုပ်ငန်း၊ အ.ထ.က(၁) ကျောင်း၌ ပေ(၁၀၀x၃၀) RCC ၂ ထပ် ကျောင်းဆောင်သစ်ဆောက်လုပ်နေမှုလုပ်ငန်း၊ အမှတ်(၇)ရပ်ကွက်ရှိ အားကစားကွင်း တည်ဆောက်ခြင်းလုပ်ငန်းနှင့် စာဂလမ်းမကြီး လမ်းခင်းခြင်းလုပ်ငန်းများအား ကွင်းဆင်းစစ်ဆေးခဲ့ကြစဉ်။
နေထက်အောင်
