နယူးယောက် ဇန်နဝါရီ ၂၁
ဂူဂဲလ် (Google) နည်းပညာ ကုမ္ပဏီကြီး၏ မိခင်ကုမ္ပဏီ Alphabet က နိုင်ငံတဝန်းရှိ လုပ်သား အင်အား ၁၂,၀၀၀ ကို လျှော့ချသွားမည်ဖြစ် ကြောင်း ဇန်နဝါရီ ၂၀ ရက်က ကြေညာ လိုက်သည်။
ယင်းသည် ကုမ္ပဏီ ဝန်ထမ်းဦးရေ ၏ ခြောက်ရာခိုင်နှုန်းကို လျှော့ချလိုက် ခြင်းဖြစ်ပြီး ပြီးခဲ့သည့် ၂ နှစ်အတွင်း လုပ်ငန်းများ အကြီးအကျယ် အောင်မြင်ခြင်းကြောင့် လူသစ်များ ခန့်ထားသော်လည်း လက်ရှိ အခြေ အနေ သည် ပြောင်းလဲသွားကြောင်းကုမ္ပဏီ အမှုဆောင် အရာရှိ Sundar Pichai က ပြောသည်။
ရုံးချုပ်ရှိ ဝန်ထမ်းများလျှော့ချ ရာတွင် ပါဝင်သူများကို ကြိုတင် အသိ ပေးပြီးဖြစ်ကြောင်းနှင့် နိုင်ငံရပ်ခြားရှိ ဂူဂဲလ်ရုံးများမှ ဝန်ထမ်းများလျှော့ချ မည့် ကိစ္စကိုမူ စည်းမျဉ်း ဥပဒေများ မတူခြင်းကြောင့် အချိန်ယူ လုပ်ဆောင် မည်ဖြစ်ကြောင်း သိရသည်။
ဂူဂဲလ်ကဲ့သို့ပင် အမေရိကန် နည်းပညာကုမ္ပဏီကြီးများ ဖြစ် သည့် Microsoft ၊ Facebook ၊ Instagram ၊ Twitter နှင့် အွန်လိုင်း အရောင်းကုမ္ပဏီ Amazon တို့ကလည်း ဝန်ထမ်းသောင်းချီကာ လျှော့ချလျက် ရှိသည်။ (ref: Bloomberg)