ဇွန် ၁၃
Xiaomi ဟာ Mi NoteBook 14 နှင့် Mi NoteBook 14 Horizon Edition တို့ကို ကြေညာလာပြီဖြစ်သည်။ နှစ်မျိုးလုံးမှာ ၁၄ လက်မ ရုပ်ထွက်သုံးထားပြီး အလူမီနီယမ်ကိုယ်ထည် သုံးထားသည်။
ပုံမှန်ဗားရှင်းမှာ 10th Gen Intel Core i5-10210 CPU ပါဝင်ပြီး Intel UHD 620 ဗားရှင်း၊ Nvidia GeForce MX250 GPU ဗားရှင်းတို့နှင့် ရွေးချယ်နိုင်သည်။ နှစ်မျိုးလုံးမှာ 8GB LPDDR4 RAM ၊ 256/512GB SSDs တို့ ပါဝင်သည်။ Horizon ဗားရှင်းကို ပိုမြန်သည့် NVMe ဗားရှင်းနှင့်လည်း ရွေးချယ်နိုင်သည်။
Mi NoteBook 14 မော်ဒယ်နှစ်မျိုးလုံးမှာ FHD LCD Panels သုံးထားပြီး 16:9 Aspect Ratio သုံးထားကာ စတီရီယိုစပီကာများ ပါဝင်သည်။
USB 3.1 ပေါက် ၂ ခု ၊ HDMI ပေါက်နှင့် Type C ပေါက် ၁ ခုစီတို့ ပါဝင်သည်။ နားကြပ်ပေါက် ပါဝင်သလို Charging ပေါက်လည်း ပါဝင်သည်။ ဘက်ထရီ 46Wh ပါဝင်ပြီး ၁၀ နာရီအထိ အသုံးပြုနိုင်သည်။ 65W Charger ဖြင့် အားသွင်းနိုင်ကာ မိနစ် ၃၀ အားသွင်းရုံဖြင့် ဘက်ထရီ ၅၀ ရာခိုင်နှုန်းအထိရရှိမည်ဖြစ်သည်။
Xiaomi က Mi Band တို့ဖြင့်လည်း လက်တော့ပ်ကို ဖွင့်နိုင်အောင် Mi Blaze Unlock ထည့်သွင်းထားသလို Xiaomi စမတ်ဖုန်းများနှင့် ဒေတာအပြောင်းအရွှေ့လုပ်မှုကို လျင်မြန်စွာ ပြုလုပ်နိုင်မည့် Mi Smart Share စနစ် ကိုလည်း ထည့်သွင်းထားသည်။
Mi NoteBook 14 ၏ 256GB ဗားရှင်းကို ၅၅၃ ဒေါ်လာ ၊ 512GB ဗားရှင်းကို ၅၉၃ ဒေါ်လာ သတ်မှတ်ထား သည်။ Nvidia GeForce MX250 ဗားရှင်းဈေးနှုန်းက ၆၃၃ ဒေါ်လာဖြစ်သည်။ Horizon Edition ၏ Core i5 ဗားရှင်းကို ၇၂၅ ဒေါ်လာနှင့် i7 ဗားရှင်းကို ၇၉၁ ဒေါ်လာ သတ်မှတ်ထားသည်။
(သူရိန်)