အောက်တိုဘာ ၃၁
ပီအက်စ်ဂျီအသင်းမှ ဂျူဗင်တပ်အသင်းသို့ အလွတ်ပြောင်းရွှေ့ကြေးဖြင့် ရောက်ရှိခဲ့သည့် တောင်ပံကစားသမား ဒီမာရီယာသည် ယခုနှစ် ဘောလုံးရာသီကုန်တွင် အသင်းမှ ထွက်ခွာ၍ ကစားသမားဘဝ စတင်ခဲ့သည့် ရိုဆာရီရိုအသင်း သို့ ပြောင်းရွှေ့မည်ဖြစ်ကြောင်း သိရသည်။
အသက် ၃၄ နှစ်အရွယ်ရှိ ဒီမာရီယာသည် ယခုနှစ် ဘောလုံးရာသီ ဂျူဗင်တပ်အသင်းတွင် ဒဏ်ရာ မကြာခဏရရှိနေသောကြောင့် ကမ္ဘာ့ဖလား ယှဉ်ပြိုင်ရမည့် အာဂျင်တီးနားအသင်းလူစာရင်းတွင် ရွေးချယ်ခံရရန် အခွင့်အရေး နည်းပါးနေသဖြင့် ဘောလုံးရာသီ ပြီးဆုံးချိန်တွင် ယင်း၏ ကစား သမားဘဝ စတင်ခဲ့သည့် မွေးရပ်မြေ အာဂျင်တီးနား ကလပ် ရိုဆာရီရိုအသင်းသို့ ပြောင်းရွှေ့၍ ကစား သမားဘဝအဆုံးသတ်ရန် ဆန္ဒရှိနေခြင်းဖြစ်သည်။
ထို့ပြင် ဒီမာရီယာအနေဖြင့် လက်ရှိရရှိနေ သည့် တစ်နှစ်လုပ်ခလစာ ယူရို ၇ ဒသမ ၅ သန်းမှ လုပ်ခလစာ ၅၀ ရာခိုင်နှုန်း လျှော့ယူ၍ ရိုဆာရီရိုအသင်းသို့ ပြောင်းရွှေ့ရန် ဆုံးဖြတ်ထား သောကြောင့် လာမည့် ဇန်နဝါရီ အပြောင်းအရွှေ့ ကာလတွင် အာဂျင်တီးနားကလပ်သို့ ပြောင်းရွှေ့ နိုင်ကြောင်း သတင်းများ ထွက်ပေါ်နေခြင်းဖြစ် သည်။
သူရိန်