ပုဏ္ဏားကျွန်းမြို့၌ တပ်မတော်အရာရှိတစ်ဦး ဓားထိုးခံရပြီး တပ်မတော်သား တစ်ဦးဖမ်းဆီးခံရ
ပုဏ္ဏားကျွန်း ဇွန် ၁၂
ရခိုင်ပြည်နယ်၊ ပုဏ္ဏားကျွန်းမြို့၌ ဇွန် ၁၁ ရက် နံနက်ပိုင်းကဈေးလာဝယ်သော တပ်မတော်အရာရှိတစ်ဦးကို AA အဖွဲ့က ဓားဖြင့် ထိုးပြီး ၄င်းနှင့်အတူပါလာသောတပ်မတော်သားတစ်ဦးကိုလည်းဖမ်းဆီးခေါ်ဆောင်သွားကြောင်းဒေသခံများကပြောသည်။
ရခိုင်ပြည်နယ်၊ ပုဏ္ဏားကျွန်းမြို့နယ်၊ မြို့မဈေး၌ ဇွန် ၁၁ ရက် နံနက်(၈)နာရီက ဈေးလာဝယ်သော တပ်မတော်အရာရှိတစ်ဦးသည် ဈေးအနီးလမ်းဆုံတွင် ဓားဖြင့်ထိုးပြီးတိုက်ခိုက်ခံခဲ့ရခြင်းဖြစ်ကြောင်းသိရ သည်။
ဆိုင်ကယ်ဖြင့် ဈေးလာဝယ်ပြီးအပြန်တွင် ယခုကဲ့သို့ လုပ်ကြံခံရခြင်းဖြစ်ကြောင်းလုံခြုံရေးအရ အမည် မဖော်လိုသောဒေသခံမျက်မြင်တစ်ဦးကပြောသည်။
ဓားထိုးတိုက်ခိုက်မှုဖြစ်ပြီးနောက် (၁၅) မိနစ်ခန့်အကြာတွင် တပ်မတော်စစ်ကြောင်းတစ်ခုက အခင်း ဖြစ်ပွားသည့် နေရာအနီးတစ်ဝိုက်ကိုရောက်ရှိလာပြီး လက်နက်ငယ်များဖြင့် မိုးပေါ်ကိုပစ်ခတ်ခြင်းကိုတွေ့ရ ကြောင်း ပြောသည်။
တပ်မတော်သတင်းမှန်ပြန်ကြားရေးအဖွဲ့အတွင်းရေးမှူးဗိုလ်မှူးချုပ်ဇော်မင်းထွန်းကဈေးလာဝယ်သော တပ်မတော်အရာရှိတစ်ဦးနှင့် စစ်သည်တစ်ဦးကိုအရပ်ဝတ်များဝတ်ထားသည့် AA အဖွဲ့ဝင် ရှစ်ဦးကဝိုင်းဝန်းတိုက်ခိုက်ပြီးဓားဖြင့် ထိုးသွားခဲ့ခြင်းဖြစ်ကြောင်းပြောသည်။
“လက်ရှိမှာအဲဒီတပ်မတော်အရာရှိဟာသူ့တပ်ရင်းမှာဆေးကုသမှုခံယူနေရသလိုသူနဲ့အတူပါသွားတဲ့ စစ်သည်ကတော့ ပျောက်ဆုံးနေတယ်”ဟုပြောကြားခဲ့သည်။
မြင့်မြတ်အောင်မြင်
