မုဒုံ ဩဂုတ် ၁၈
မွန်ပြည်နယ် မုဒုံမြို့ရှိ စက်သုံးဆီအရောင်းဆိုင်များတွင် ဆီသို လှောင်ထားရှိမှု အခြေအနေများ၊ အခြင်အတွယ်ရောင်းဝယ်မှုနှင့် ဈေးနှုန်းမှန်ကန်မှုရှိစေရေးအတွက် ယမန်နေ့ မွန်းလွဲပိုင်းက မြို့နယ် စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ ၊ ဌာနဆိုင်ရာ အဖွဲ့များ ကွင်းဆင်းစစ်ဆေးကြသည်။
ကွင်းဆင်းစစ်ဆေးရာတွင် မုဒုံမြို့နယ် စီမံအုပ်ချုပ်ရေးအဖွဲ့ ဥက္ကဋ္ဌ ဦပြည်သိမ်းနှင့်အဖွဲ့ဝင်များ၊ ဌာနဆိုင်ရာများက အဖွဲ့သုံး ဖွဲ့ခွဲကာ မြို့နယ်အတွင်းရှိ စက်သုံးဆီအရောင်းဆိုင် ၁၈ ဆိုင်နှင့် စက်သုံးဆီလှောင်ကန်များကို သတ်မှတ်ထားသည့် လမ်းညွှန်ချက် များနှင့်အညီ ဆောင်ရွက်ထားရှိမှု ရှိ/မရှိ၊ စက်သုံးဆီသိုလှောင်ထားရှိမှု အခြေအနေများ၊ စက်သုံးဆီရောင်းဝယ်ရာတွင် အခြင်အတွယ်/ဈေးနှုန်းများ မှန်ကန်မှုရှိစေရေး၊ စက်သုံးဆီလှောင်ကန်များတွင် သိုလှောင်ထားရှိပြီး ဈေးနှုန်းကစားမှု မရှိစေရေး၊ စနစ်တကျရောင်း ဝယ်မှုနှင့် စက်သုံးဆီ အရောင်းဆိုင် / လှောင်ကန်များတွင် မီးဘေး အန္တရာယ် ကင်းရှင်းရေး ဆောင်ရွက်ထားရှိမှုအခြေအနေများကို ကွင်း ဆင်းစစ်ဆေးကြောင်း သိရသည်။
သားငယ် (မုဒုံ)