ဂျာမနီပိုင် Merck ဆေးကုမ္ပဏီ တရုတ်နိုင်ငံတွင် လုပ်ငန်းတိုးချဲ့မည်
ပေကျင်း၊ မေ ၅
ဂျာမနီ ဆေးဝါးထုတ်လုပ်ရေး ကုမ္ပဏီတစ်ခုဖြစ်သည့် Merck ကုမ္ပဏီ အနေဖြင့် တရုတ်တွင် ယင်းတို့၏ လုပ်ငန်းများကို တိုးချဲ့ရန် လက်မှတ်ရေး ထိုးလိုက်ပြီဖြစ်ကြောင်း မေ ၄ ရက်တွင် ကြေညာသည်။
တရုတ်နိုင်ငံ ကျန်ဆူးပြည်နယ် ဝူဇီ မြို့တွင် ရှိသော Merck ကုမ္ပဏီ၏ ဆေးဝါး ထုတ်လုပ်ရေးလုပ်ငန်းကို ကြီးမားစွာ တိုးချဲ့မည်ဖြစ်ကြောင်း ကုမ္ပဏီ၏ထုတ် ပြန်ချက်တွင် ဖော်ပြထားသည်။
လုပ်ငန်းတိုးချဲ့မှုအတွက် Merck ကုမ္ပဏီသည် ကန်ဒေါ်လာ ၁၁၀ သန်း အထိ အသုံးပြုသွားမည်ဖြစ်ပြီး လက် ရှိ ဝူဇီမြို့တွင်ရှိသော Merck ၏ စက်ရုံ ကိုလည်း လာမည့် ခြောက်နှစ်အတွင်း အပြည့်အဝ တိုးချဲ့သွားမည်ဖြစ်ကြောင်း သိရသည်။
Merck ကုမ္ပဏီ၏ လုပ်ငန်းတိုးချဲ့မှု ကြောင့် ဒေသအတွင်း အလုပ်အကိုင် အခွင့်အလမ်းပေါင်း ၁၀၀၀ ခန့် ဖန်တီး ပေးမည်ဟု မျှော်မှန်းထားပြီး တိုးချဲ့သော လုပ်ငန်းသည် လာမည့် ၂၀၂၄ ခုနှစ်တွင် အပြည့်အဝလည်ပတ်မည်ဟု ကုမ္ပဏီ က ပြောသည်။
(Ref:Bloomberg)
