အမြန်နူန်းဆော့ဖ်ဝဲလ်မှားယွင်းမှုကြောင့် Tesla မှ Model- 3 လျှပ်စစ်ကားများကို ပြန်သိမ်း
ပေကျင်း၊ မေ ၅
တရုတ်နိုင်ငံထုတ်ကုန် အရည်အသွေးစောင့်ကြည့်ရေးအဖွဲ့၏ ပြောကြား ချက်အရ Tesla လျှပ်စစ်ကားကုမ္ပဏီမှ ဆော့ဖ်ဝဲလ်မှားယွင်းမှုကြောင့် ကားအစီး ရေပေါင်း ၁၄၆၈၄ စီးကို ပြန်လည်သိမ်းယူနေကြောင်း သိရသည်။
ပြန်သိမ်းယူလိုက်သော ကားများတွင် ၂၀၁၉ ခုနှစ် ဇန်နဝါရီလ ၁၂ မှ ၂၀၂၂ ခုနှစ် မတ်လ ၂၅ ရက်အတွင်း ထုတ်လုပ်ခဲ့သော Model 3 Performance ကားအမျိုးအစားများပါဝင်ပြီး အစီးရေပေါင်း ၁၈၅၀ ခန့်သည် နိုင်ငံခြားမှ ဝင်ရောက်လာခြင်းဖြစ်ကာ ၁၂၈၃၄ စီးသည် တရုတ်နိုင်ငံတွင်ထုတ်လုပ်ခြင်း ဖြစ်ကြောင်း အစိုးရစျေးကွက်စည်းကမ်းဆိုင်ရာ ကွပ်ကဲရေးရုံးကထုတ်ပြန် ထားသည်။
အဆိုပါ Tesla Model 3 ကားများသည် tracking mode ကို ပြောင်းသုံးရာတွင် display ၏ အလယ်ပိုင်း၌ ယာဉ်၏ အမြန်နှုန်းတန်ဖိုးကိုသာပြပြီး အမြန်နှုန်းယူနစ် ကို မပြသသော ဆော့ဖ်ဝဲလ်မှားယွင်းနေသည့်အတွက် ယာဉ်တိုက်မှုများဖြစ်ပေါ် နိုင်ခြင်းကြောင့် ထိုမော်ဒယ်ကားများကို ပြန်လည်သိမ်းယူခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။
ပေကျင်းနှင့် ရှန်ဟိုင်းရှိ Tesla ရုံးခွဲများကမူ ပြန်လည်သိမ်းယူလိုက်သော Tesla ကားများ၏ ဆော့ဖ်ဝဲလ်ကို အဆင့်မြှင့်တင်ပေးမည်ဟု ကြေညာချက် ထုတ်ပြန်ထားသည်။ (Ref:Reuters)
